भारतातील सर्वोत्तम नियोक्ता म्हणून फोर्ब्सने रिलायन्स कंपनीची केली घोषणा! जागतिक स्तरावर २०वा क्रमांक

मुक्तपीठ टीम

भारतातील सर्वोत्कृष्ट नियोक्ता म्हणून बिझनेस मॅगझीन फोर्ब्सने रिलायन्स इंडस्ट्रीजची घोषणा केली. ही देशातील सर्वात मोठी कंपनी, महसूल, नफा आणि बाजार मुल्यांकनाच्या बाबतीत सर्वोत्कृष्ट नियोक्ता तसेच जगातील २०वी सर्वोत्तम नियोक्ता म्हणूनही नाव दिले आहे. फोर्ब्सच्या ‘वर्ल्ड्स बेस्ट एम्प्लॉयर रँकिंग २०२२’ मध्ये रिलायन्स इंडस्ट्रीजबद्दल असेच म्हटले आहे.

जागतिक स्तरावर सर्वोत्तम नियोक्ता म्हणून ‘या’ कंपनींचा पहिला क्रमांक!

• जागतिक क्रमवारीत दक्षिण कोरियाची दिग्गज कंपनी सॅमसंग इलेक्ट्रॉनिक्स अव्वल स्थानावर असून, मायक्रोसॉफ्ट, आयबीएम, अल्फाबेट आणि अॅपल या अमेरिकेतील दिग्गज कंपन्यांचा क्रमांक लागतो.
• या यादीत दुसऱ्या ते बाराव्या स्थानावर अमेरिकन कंपन्यांचा ताबा आहे.
• यानंतर जर्मन ऑटोमेकर बीएमडब्ल्यू ग्रुप १३व्या स्थानावर आहे.

टॉप-१००मध्ये रिलायन्स ही एकमेव भारतीय कंपनी!

• जर्मनीच्या मर्सिडीज-बेंझ, अमेरिकेची कोका-कोला, जपानची होंडा आणि यामाहा आणि सौदी अरामको यांच्या पुढे मुकेश अंबानींची रिलायन्स इंडस्ट्रीजही या यादीत अव्वल आहे.
• फोर्ब्सच्या म्हणण्यानुसार, टॉप १०० कंपन्यांमध्ये रिलायन्सशिवाय कोणतीही भारतीय कंपनी नाही.
• एचडीएफसी बँक १३७व्या स्थानावर आहे.
• या क्रमवारीत बजाज १७३व्या, आदित्य बिर्ला समूह २४०व्या, लार्सन अँड टुब्रो ३५४व्या, आयसीआयसीआय बँक ३६५व्या, अदानी एंटरप्रायझेस ५४७व्या आणि इन्फोसिस ६६८व्या स्थानावर आहे.

इतर कंपन्यांची जागतिक स्तरावरील क्रमवारी…

• या क्रमवारीत जगातील सर्वात मोठी ऑनलाइन विक्री करणारी अॅमेझॉन १४व्या स्थानावर आहे आणि फ्रेंच दिग्गज डेकॅथलॉन १५व्या स्थानावर आहे.
• त्याचबरोबर पेट्रोलियम ते रिटेल व्यवसाय करणारी रिलायन्स या जागतिक यादीत २० व्या स्थानावर आहे.
• या क्रमवारीत रिलायन्स ही भारतातील सर्वोच्च कंपनी आहे.