मुक्तपीठ टीम
शंभर कोटींच्या महावसुलीचा आरोप करणाऱ्या लेटरबॉम्बनंतर मुंबईचे माजी पोलीस आयुक्त परमबीर सिंग आता आरोपी झाले आहेत. त्यांच्यासह २७ पोलीस अधिकाऱ्यांविरूद्ध अकोल्यातील सिटी कोतवाली पोलीस ठाण्यात गुन्हा दाखल करण्यात आला आहे. अकोल्यातील पोलीस अधिकारी भीमराव घाडगे यांनी परमबीर सिंग यांच्यावर भष्टाचाराचा आरोप केला आहे. ठाणे पोलिसांकडून या प्रकरणाची चौकशी करण्यात येणार असल्याची माहिती सूत्रांनी दिली आहे. मुंबई पोलीस दलातील पोलीस अधिकारी अनुप डांगे यांनीही परमबीर यांच्यावर गंभीर आरोप केले आहेत.
परमबीर सिंगांविरोधातील आरोप
• परबीर सिंग यांनी हजारों कोटींचा भ्रष्टाचार केल्याची तक्रार अकोल्याच्या पोलीस अधिकारी भीमराज घाडगे यांनी केली.
• परमबीर सिंग यांची पत्नी इंडिया बुल्स कार्यालयात काम करतात. जिथे हजारो कोटी रुपयांची गुंतवणूक करण्यात आली आहे.
• तसेच त्यांचा मुलगा रोहन हा सिंगापूरमध्ये एक मोठा व्यवसाय चालवतो. तिथे देखील भ्रष्टाचाराचे पैसे गुतंवण्यात आले आहेत, असा आरोप भीमराज घाडगे यांनी केला आहे.
• परमबीर सिंग यांनी ठाण्याचे पोलीस आयुक्त असताना हजारो कोटी रुपयांचा भ्रष्टाचार केला.
• त्या रकमेची वेगवेगळ्या माध्यमातून गुंतवणूक केली.
• परमबीर सिंग यांच्या कुटुंबियांनी वेगवेगळ्या व्यवसायात त्या पैशांची गुंतवणूक केली, असा धक्कादायक आरोप अकोल्याचे पोलीस निरीक्षक भीमराज घाडगे यांनी केला आहे.
परमबीर सिंग यांच्याविरोधात दाखल झालेला हा पहिला गुन्हा आहे. त्यामुळे परमबीर सिंह यांच्या अडचणीत वाढ झाली आहे. या पोलीस अधिकाऱ्याने काही दिवसांपूर्वी याबाबतचे पत्र मुख्यमंत्री उद्धव ठाकरे आणि राज्याचे पोलीस महासंचालक संजय पांडे यांनाही पत्र पाठवले होते. त्यासोबतच परमबीर सिंग यांच्यासह २७ पोलिस अधिकाऱ्यांनी भीमराज घाडगे यांना जातीवाचक शिवीगाळ केल्याचेही भीमराज घाडगे यांनी यात म्हटलं आहे. यामध्ये पराग मनेरे, संजय शिंदे, सुनील भारद्वाज, विजय फुलकर या चार पोलीस उपायुक्तांसह डझनभर पोलिस अधिकाऱ्यांचा समावेश आहे, असा आरोप भीमराज घाडगे केला आहे.
परमबीर सिंग यांच्यासह तब्बल २७ पोलीस अधिकाऱ्यांविरुद्ध हा गुन्हा दाखल केला गेला आहे. हे प्रकरण ठाणे पोलिसांकडे वर्ग करण्यात येणार आहे. त्यामुळे या प्रकरणाचा संपूर्ण तपास ठाणे पोलिसांकडून करण्यात येणार असल्याची शक्यता आहे.
Subscribe
