शिवसेनेविरोधात फडणवीस आक्रमक! मुंबई मनपात खाल्लेला एक-एक पैसा बाहेर काढणार!!

मुक्तपीठ टीम

मनपा निवडणुकीच्या पार्श्वभूमीवर भाजपा सक्रिय झाली आहे. भाजपाचे मोठे लक्ष्य असलेली मुंबई मनपासाठी जोरदार तयारीही सुरु आहे. विरोधी पक्षनेते देवेंद्र फडणवीस यांनी मुंबई मनपात एकहाती सत्ता मिळवण्याची इच्छा व्यक्त केली आहे. तसेच मनपातील खाल्लेला एक-एक पैसा परत काढल्याशिवाय राहणार नाही, असा थेट इशाराच फडणवीस यांनी शिवसेनेला दिला आहे.

शिवसेनेच्या डायलॉगबाजीला भुलू नका…

शिवसेना फक्त भावनिक डायलॉगबाजी करते.
त्यांच्या डायलॉगबाजीला भुलू नका.
निवडून आल्यानंतर ते तुम्हाला विसरतात.
मुंबई मनपात आपल्याला परिवर्तन करायचं आहे.
राज्यात सरकार यायचं तेव्हा येईल पण आपण संघर्ष करत राहू.
मात्र, २०२४ ला भाजपा महाराष्ट्रात स्वबळावर सत्तेत येईल, असा दावाही फडणवीसांनी यावेळी केलाय.
आपलं सरकार गेल्यानंतर मेट्रोची कामं एकतर स्थगित झाली किंवा मंदगतीने सुरु आहेत.
आधी आरोग्य विभागाचा पेपर फुटला आता म्हाडाचाही फुटला.
एक पेपरही या राज्य सरकारला धड घेता येत नाही.
आदल्या दिवशी रात्री सांगतात की परीक्षा रद्द झाली.
तरुणांच्या जीवाशी खेळ सुरु आहे.

फडणवीसांचा शिवसेनेला थेट इशारा

कोरोना काळात प्रेताच्या टाळूवरचं लोणी खाण्याचं काम मुंबई मनपा आणि एमएमआरडीएनं केलं.
कोरोना काळातील भ्रष्टाचारावर अमित साटम यांनी पुस्तिका तयार केली आहे.
अधिकारी आणि नेत्यांच्या कंपन्या रातोरात उभ्या राहिल्या.
रुग्णवाहिका मिळत नव्हती म्हणून लोकांचा जीव जात होता.
त्यामुळे आता आपल्याला मुंबई मनपातील भ्रष्ट्राचाराची गटारगंगा स्वच्छ कराचती आहे.
यांना मनपात विरोधी पक्षनेता नको होता.
त्यामुळे आम्ही मनपात विरोधी पक्षनेता होऊ दिला नाही.
विरोधी पक्षनेता नसला तरी विरोध करणं सोडलं नाही.
मनपातील खाल्लेला एक-एक पैसा परत काढल्याशिवाय राहणार नाही.

मुंबई महापालिकेत भ्रष्टाचाराची गटारगंगा वाहते आहे.
जनतेच्या हक्काचा तुम्ही खाल्लेला पैसा बाहेर काढत नाही, तोवर भाजपा गप्प बसणार नाही.
आई जिजाऊ यांनी शिवबांना घडविले नसते तर स्वराज्य कधीच प्राप्त झाले नसते, आज त्याच प्रेरणेतून या भ्रष्टाचारापासून मुक्तीचा संकल्प घेण्याची गरज आहे! pic.twitter.com/9RfYWk2b4Y

— Devendra Fadnavis (@Dev_Fadnavis) December 12, 2021

‘म्हाडा’ पेपरफुटीवर फडणवीसांची आक्रमक भूमिका

आरोग्य विभागाच्या भरती प्रक्रिया आणि परीक्षेतील मोठा गैरव्यवहार आता समोर आला आहे.
त्यानंतर म्हाडाच्या परीक्षेचाही पेपर फुटल्याचं समोर आले.
त्यानंतर गृहनिर्माण मंत्री जितेंद्र आव्हाड यांनी मध्यरात्री म्हाडाच्या सर्व परीक्षा रद्द करण्याची घोषणा केली आहे.
दरम्यान, सातत्यानं सुरु असलेल्या पेपरफुटीमुळे राज्यातील तरुणांना आणि विद्यार्थ्यांना मोठा मनस्ताप सहन करावा लागतोय.
अशावेळी विरोधी पक्षनेते आणि माजी मुख्यमंत्री देवेंद्र फडणवीस यांनी राज्य सरकारवर जोरदार हल्ला चढवला आहे.
पेपरफुटी प्रकरणाची सीबीआय चौकशी झाली पाहिजे.