*मनोरंजन महत्त्वाचे* : १) “लव सुलभ” या चित्रपटाचे चित्रीकरण ठाणे येथे सुरू झाले आहे. लेखक-दिग्दर्शक-अभिनेता प्रियदर्शन जाधव या चित्रपटाचे दिग्दर्शन करत आहे. या चित्रपटाचं टीजर पोस्टर नुकतंच सोशल मीडियाद्वारे लॉन्च करण्यात आले आहे. २) अभिनेत्री उर्वशी रौतेला ही नेहमीच तिच्या हॉट लूकने प्रेक्षकांचे मन घायाळ करत असते. काही दिवसांपूर्वीच उर्वशीचा ‘एक लडकी भीगी भागी सी’ अल्बम रिलीज झाला आहे. यात तिचा पावसात लाल साडीवर ग्लॅमरस लूक पाहायला मिळतोय. या अल्बमला मोठ्या प्रमाणात पसंती मिळाली आहे. ३) भाजपा पक्षनेते देवेंद्र फडणवीस यांच्या पत्नी अमृता फडणवीस या जागतिक महिला दिनानिमित्त प्रेक्षकांच्या भेटीस आपले नवीन गाणे घेऊन आल्या आहेत. त्यांचे हे गाणे नाट्य संगीतावर आधारित आहे. ४) हेमंत ढोमे यांनी काही दिवसांपूर्वी‘झिम्मा’ या सिनेमाचं पोस्टर रिलीज केले होते. या सिनेमात अनेक लोकप्रिय चेहरे पाहण्यास मिळणार आहेत. एकाच सिनेमात एवढी मोठी स्टार कास्ट असल्याने सिनेमा विषयी प्रेक्षकांच्या मनात उत्सुकता निर्माण झाली आहे. ‘झिम्मा’च्या टिझरवरूनच हा सिनेमा जबरदस्त असेल हे लक्षात येत आहे. ५) ‘हरफनमौला’ या गाण्यात आमिरचा रोमॅण्टिक अंदाज पाहण्यास मिळतोय. एलीसोबत आमिर या गाण्यात जबरदस्त डान्स करत आहे. आमिर खानचा ‘कोई जाने ना’ सिनेमा २६ मार्चला प्रदर्शित होणार आहे. या सिनेमातील ‘हरफनमौला’ या गाण्याचा टीझर नुकताच रिलीज झाला आहे.