*मनोरंजन महत्त्वाचं*: १. आता लवकरच ‘आदिपुरुष’ हा चित्रपट प्रेक्षकांच्या भेटीला येणार आहे. या चित्रपटात बाहुबली म्हणजेच दाक्षिणात्य सुपरस्टार प्रभास मुख्य भूमिकेत दिसणार आहे. तर अभिनेता सैफ अली खान यात रावणाची भूमिका साकारणार आहे. त्यांच्यासोबत अभिनेत्री क्रिती सेनॉन मुख्य भूमिकेत दिसणार आहे. तसेच अभिनेता सनी सिंह देखील चित्रपटात महत्त्वपूर्ण भूमिका साकारणार असल्याचे समोर आले आहे. २. कोरोनाचे सावट लक्षात घेत सर्वत्र महाशिवरात्री उत्सव नियमांचे पालन करत साजरा करण्यात आला. तर सध्या सोशल मीडियावर या उत्सवाची एक वेगळीच चर्चा रंगली आहे. अभिनेत्री करीना कपूरचा मुलगा तैमूर एका व्हायरल फोटोमध्ये शंकराच्या गेटअपमध्ये दिसत आहे. तैमूरच्या माथ्यावर महादेवाप्रमाणेच भस्म आणि त्यावर तिसरा डोळा दिसत आहे. एवढचं नाही तर महादेवाला साजेसं असं रुप धारण करण्यासाठी त्याचे केसही बांधण्यात आले आहेत. ३. अभिनेत्री मिथिला पालकर सोशल मीडियाच्या माध्यमातून ती नेहमीच चाहत्यांच्या संपर्कात असते. सध्या अलिबागमध्ये सुट्टी एन्जॉय करतेय. तर मिथिलाने नुकताच एक मजेशीर व्हिडीओ शेअर केला आहे. अलिबागमध्ये सध्या राहत असलेल्या हॉटेलमध्ये हा व्हिडीओ तिने काढला आहे. यात ती एका लोकप्रिय इंग्रजी गाण्यावर डान्स करताना दिसत आहे. ४. “झॉलीवूड” हा चित्रपट आता लवकरच चित्रटगृहांमध्ये पाहायला मिळणार आहे. येत्या ९ एप्रिलला हा चित्रपट प्रदर्शित होणार आहे. विदर्भात लोकप्रिय असलेल्या झाडीपट्टी या नाटक विशेष प्रकारावर आधारित हा चित्रपट असणार आहे. ५. आपले लाडके बिग बी म्हणजेच अभिनेते अमिताभ बच्चन हे आता पहिल्यांदाच अभिनेता इम्रान हाश्मी सोबत ‘चेहरे’ या चित्रपटात काम करणार आहे. नुकताच या चित्रपटाचा टीझर प्रदर्शित झाला असून बिग बी आणि इम्रानला एकत्र पाहण्यासाठी चाहते उत्सुक झाले आहेत.