1) शाहिद कपूर त्याच्या नवीन वेब सीरिजमधून डिजिटल विश्वात पदार्पण करत आहे. अभिनेता शाहीद कपूर मुख्य भूमिकेत दिसणार आहे. या सीरिजचे नाव अद्याप समोर आलेले नाही. राज निदिमोरू आणि कृष्णा डीके हे या थ्रिलर सीरिजची निर्मिती करत आहेत. आता त्यांच्या आगमी सीरिजविषयी चाहत्यांमध्ये उत्सुकता पाहायला मिळते. 2) दियाच्या लग्नाच्या सगळ्या विधी एका पुजारीन महिलेने केल्या आहेत. त्याची छायाचित्र सोशल मीडियावर व्हायरल होत आहेत. अभिनेत्री दिया मिर्झा १५ फेब्रुवारी २०२१ रोजी बंधनात अडकली. दियाने सोशल मीडियावर तिच्या लग्नातील अनेक फोटो शेअर केले आहेत. तिने एका शेअर केलेल्या फोटोत महिला पुजारी दिसत आहे. आता पर्यंत कधीच कोणत्याही लग्नात आपण महिला पुजारीला पाहिलं नसेल. त्यामुळे याबाबत सगळीकडे चर्चा पसरली आहे. 3) नेहा कक्करने आर्थिक संकटात असणाऱ्या ज्येष्ठ गीतकार संतोष आनंद यांना मदत केली आहे. प्रसिद्ध गीतकार संतोष आनंद यांना इंडियन आयडल टीमने कार्यक्रमात आमंत्रित केले आहे. संतोष आनंद यांनी प्यारे लालजींसोबत काम केलेले आहे. सध्या त्यांची आर्थिक परिस्थिती बरी नसल्याचे शोमध्ये सांगितले आहे. त्यांच्या डोक्यावर असलेल्या कर्जाबद्दल ऐकून शोची परिक्षक नेहा कक्करने त्यांना ५ लाख रुपये देण्याचे ठरवले. 4) अभिनेता के.के मेनन यांना दादासाहेब फाळके पुरस्काराने सन्मानित करण्यात आले. सोशल मीडियावर केला फोटो शेअर, हिंदीसोबतच गुजराती, तामीळ आणि तेलगू सिनेमांमधूनही प्रेक्षकांची मनं जिंकणारा के.के मेनन या अभिनेत्याला या पुरस्काराने सन्मानित केले आहे. 5) आता दिलजीत दोसांजसोबत झळकणार सर्वांची चाहती शहनाज,‘हौसला रख’चा फर्स्ट लूक आउट. बिग बॉस 13 ची सर्वांची आवडती स्पर्धक शहनाजला एकामागून एक नवे प्रोजेक्ट मिळू लागले आहेत. आता पंजाबी सुपरस्टार दिलजीत दोसांजसोबत ‘हौसला रख’ या सिनेमातून झळकणार आहे.