*मनोरंजन महत्त्वाचं* 1) झी मराठीवर अण्णा नाईकांची पुन्हा एन्ट्री होणार आहे.‘रात्रीस खेळ चाले’सारख्या झी मराठी वाहिनीवरील या मालिकेने प्रेक्षकांचे भरभरुन मनोरंजन केले होते. या मालिकेतील सर्व पात्रांना लोकांचे प्रेम मिळाले होते. आता अण्णा नाईक पुन्हा प्रेक्षकांच्या भेटीला येणार आहेत अशी चर्चा सगळीकडे पसरताना दिसतेय. झी मराठी वाहिनीने त्यांच्या अधिकृत ट्विटर अकाऊंटवर अण्णा नाईक परत येत आहेत हे लोकांना कळवलं आहे. 2) बिग बींना म्हणजेच अमिताभजींना चित्रपटसृष्टीत ५२ वर्षे पूर्ण झाले. ट्विट करून त्यांनी याबाबतची माहिती दिली. त्यांनी १९६९ मध्ये ‘सात हिंदुस्तानी’ या चित्रपटातून बॉलिवूडमध्ये पदार्पण केले होते. त्यानंतर त्यांनी आजवर कधी मागे वळून पाहिले नाही. 3) डान्सिंग क्विन नोरा फतेही देतेय डान्सचे धडे! आपल्या अदा, डान्स आणि फोटोशूटने प्रेक्षकांचे मन घायाळ करणारी नोरा फतेही सोशल मीडियावर नेहमी चर्चेत असते. बॉलिवूडमधील टॉप डान्सरमध्ये सध्या नोराला मानलं जात आहे. नुकतेच रिलीज झालेले ‘छोड देंगे’ या गाण्याचे संगीतकार सचेत टंडन आणि गायिका परंपरा ठाकूर या दोघांनाही नोरा डान्स शिकवत असल्याचं या व्हिडीओत दिसतंय. 4) ‘पाहिले न मी तुला’ ही नवी मालिका झी मराठी वाहिनीवर सुरू होणार असून यात अभिनेता शशांक केतकर महत्त्वाच्या भूमिकेत दिसणार आहे. सध्या वाहिनीवर सुरू असलेल्या ‘माझा होशील ना’ या मालिकेत सुयश पटवर्धनची भूमिका साकारणारा अभिनेता आशय कुलकर्णी आणि नवीन अभिनेत्री तन्वी मुंडले हे दोघेही नव्या भूमिकेत पाहायला मिळणार आहेत. 5) बापाची लाडाची लेक करतेय रंगमंचावर पदार्पण, दिवंगत अभिनेते लक्ष्मीकांत बेर्डे यांची कन्या स्वानंदी बेर्डे हीने अभिनय कौशल्याने रसिकांच्या मनावर राज्य केले आहे. वडिलांच्या पावलावर पाऊल ठेवत दोन्ही मुलं अभिनय क्षेत्रात नशीब आजमावत आहेत.लक्ष्मीकांत बेर्डे आणि प्रिया बेर्डे यांची लेक स्वानंदी बेर्डे रंगमंचावरुन प्रेक्षकांच्या भेटीला येतेय.