ग्रामीण महिलांच्या जीवनात अगरबत्तीनं स्वकमाईचा सुगंध!

महिलांनी एखादे ध्येय गाठण्यासाठी पाऊल उचलले तर काय होऊ शकते हे दिग्रस तालुक्यातील बचत गटाच्या महिलांनी दाखवून दिले आहे. माजी मंत्री तथा आमदार संजय राठोड यांच्या पुढाकाराने बचत गटाच्या महिलांनी अगरबत्तीचा उद्योग सुरू केला. नामांकित ब्रँड असल्याने या उद्योगाने अल्पावधीतच भरारी घेतली. या उद्योगामुळे २०० महिलांना रोजगार उपलब्ध झाला असून, मुख्यमंत्री उद्धव ठाकरे यांच्या उपस्थितीत सायकल ब्रँड या नामांकित कंपनीसोबत करार करण्यात आली आला. महिलांना प्रोत्साहन देत दीड कोटी रुपयांचा निधी बांबू विकास महामंडळ यांच्या पुढाकाराने जिल्हा नियोजन समितीने उपलब्ध करून दिला आहे.