मुक्तपीठ टीम
राष्ट्रवादी काँग्रेस पक्षाचे नेते आणि सामाजिक न्याय मंत्री धनंजय मुंडे सध्या बलात्काराच्या आरोपामुळे वादाच्या धुरळ्यात सापडले आहेत. मात्र, त्यांच्या परळी तालुक्यातील ग्रामपंचायत निवडणुकीचा निकाल त्यांना दिलासा देणारे आहेत. राष्ट्रवादी काँग्रेस आणि धनंजय मुंडे समर्थक कार्यकर्त्यांचा मोठा विजय झाल्याचे पाहायला मिळत आहे.
परळी येथील लाडझरी, मोहा, गडदेवाडी, सरफराजपुर, रेवली, वंजारवाडी आणि भोपळा इतर ग्रामपंचायतीचा निकाल जाहीर झाला आहे. येथील १२ पैकी १० ग्रामपंचायतीवर राष्ट्रवादी काँग्रेसने झेंडा फडकवला असल्याचे पाहायला मिळत आहे. यात फक्त भोपळा या ग्रामपंचायतीचा निकाल भाजपच्या बाजूने लागला आहे.
तसेत परळी पाठोपाठ अंबाजोगाई तालुक्यातील ग्रामपंचायत निवडणूकितही धनंजय मुंडे आणि राष्ट्रवादीचे वर्चस्व पाहायला मिळत आहे. येथील ३ ग्रामपंचायतीत राष्ट्रवादीचे उमेदवार बिनविरोध निवडून आले आहेत. जनमित्र या धनंजय मुंडे यांच्या कार्यालयात विजयी उमेदवारांचा जल्लोष सुरू झाला आहे.
Subscribe
