दिशावरून राजकारण थांबवा! आम्हालाही आत्महत्या करावीशी वाटते! काही झालं तर आरोप करणारेच जबाबदार!!

मुक्तपीठ टीम

सध्या राज्यात दिशा सालियान मृत्यू प्रकरण चांगलेच गाजत आहेत. काही दिवसांपूर्वी केंद्रीय मंत्री नारायण राणे यांनी दिशा सालियन मृत्यू प्रकरणाशी संबंधित काही आरोप केले, त्यात आता त्यांचे सूपुत्र आणि भाजपा आमदार नितेश राणे यांनीही सकाळी चार ट्वीट्स करत खळबळ उडवली. याच पार्श्वभूमीवर आता दिशाच्या आई-वडिलांनी अखेर मौन सोडले आहे. राजकीय नेत्यांकडून सुरू असलेल्या आरोप प्रत्यारोपांमुळे आम्हाला खूप त्रास होत असून आम्हालाही आत्महत्या करावीशी वाटते. आम्ही काही केलं, तर हे लोक जबाबदार असतील. त्यामुळे कृपा करून हे घाणेरडे राजकारण थांबवा,अशी विनंती दिशाच्या आई-वडिलांनी केली आहे.

काय म्हणाली दिशाची आई?

• दिशा सालियानच्या आई वासंती सालियान म्हणाल्या की, दिशाच्या मृत्यूवरून सुरू असलेल्या राजकारणामुळे आम्हाला त्रास होत आहे.
• दोन वर्षांनंतर सर्व केस बंद झाली होती.
• मात्र, आता पुन्हा हे सुरू झाले आहे.
• याचा आम्हाला खूप त्रास होतो.
• आम्हाला सुद्धा आता जगावं वाटत नाही.
• आम्ही काही केलं तर याला हे लोक जबाबदार असतील.
• आम्हाला बाहेर ही जाता येत नाही.
• आता आम्हाला जगू द्या.

म्हणून केली दिशाने आत्महत्या…

• दिशा सालियानच्या आई पुढे म्हणाल्या की, हे लोक आम्हाला बदनाम करत आहेत.
• त्यामुळे आम्ही महिला आयोगाकडे तक्रार करत आहोत.
• असं काही झालं नाही.
• फक्त आमच्या मुलीला बदनाम केलं जात आहे.
• तर दिशाचे वडील सतीश सालियान म्हणाले की, आमच्या मुलींनी काही वेगळं काही केलं नाही.
• ऑफिसच्या कामाचं ताण होता.
• यामुळे तिने आत्महत्या केली.
• जे काही बोललं जातंय, अपघाती मृत्यय झाला, हे सगळं खोटं आहे.
• बदनाम केलं जातंय.
• पोस्टमार्टममध्ये जे आलंय त्यात क्लिअर आहे.
• मग का बदनाम करताय, मर्डर झालाय, बलात्कार झाला, असं का म्हणता, असा प्रश्न त्यांनी केला.
• शिवाय दिशाचा कुठलाही मित्र गायब झालेला नाही.