“दिशाच्या मृत्यूवर राजकारण करणाऱ्या राणे पिता-पुत्रांवर कारवाई करा, नाहीतर आत्महत्येशिवाय पर्याय नाही!”

मुक्तपीठ टीम

अभिनेता सुशांत सिंग राजपूतची मॅनेजर दिशा सालियनच्या मृत्यूप्रकरणावरून सुरु असलेल्या राजकारणावरून तिच्या पालकांनी राष्ट्रपती राम नाथ कोविंद यांना पत्र लिहिले आहे. या पत्रामध्ये केंद्रीय मंत्री नारायण राणे आणि त्यांचा मुलगा नितेश राणे या दोघांवर कठोर कारवाई करण्याची मागणी केली आहे. दिशाच्या मृत्यूवर जे राजकारण सुरू आहे त्याबद्दल तिच्या पालकांनी खेद व्यक्त केला आहे. दिशाच्या पालकांनी राष्ट्रपतींना पाच पानांचं पत्र पाठवलं आहे.

या पत्रामध्ये दिशाचे वडील सतीश सालियन आणि आई वासंती यांनी राणे पिता-पुत्रांनी दिशाच्या चारित्र्यावर संशय घेत त्यावरून जे काही राजकारण केलं आहे,त्यामुळे तिची प्रतिमा डागाळल्याचं म्हटलं आहे. या दोघांवर कठोर कारवाई करा अन्यथा आम्हाला आत्महत्या करावी लागेल असं दिशाच्या पालकांनी राष्ट्रपतींना पाठवलेल्या पत्रात नमूद केलं आहे.

पत्रात राष्ट्रपतींना कळवले की त्यांच्या मुलीच्या मृत्यूनंतर, सोशल मीडियावर सक्रिय असलेल्या काही लोकांनी या घटनेचा सुशांत सिंह राजपूतच्या मृत्यूशी संबंध जोडण्याचा प्रयत्न केला होता आणि वृत्तवाहिन्या आणि सोशल मीडिया हे काल्पनिक आणि तथ्यात्मक चुकीचे पसरवण्यास सुरुवात केली होती. नारायण राणे आणि नितेश राणे यांसारख्या काही नेत्यांनी महाराष्ट्राचे मुख्यमंत्री उद्धव ठाकरे आणि त्यांचा मुलगा आदित्य यांच्या वैयक्तिक वैरामुळे या मुद्द्यामध्ये हस्तक्षेप केला आणि आम्हाला त्यांच्या राजकारणात ओढले, आमचे जीवन दयनीय केले, असे या पत्रात म्हटले आहे.