मुक्तपीठ टीम
पुणे जिल्हा मध्यवर्ती सहकारी बॅंक म्हणजेच पीडीसीसीची पंचवार्षिक निवडणूक येत्या दोन जानेवारीला होत आहे. २१ जागांकरिता ही निवडणूक होणार असून गुरुवारी उमेदवारी अर्ज दाखल करण्याच्या चौथ्या दिवशी २१ जणांनी ३१ उमेदवारी अर्ज दाखल केले आहेत. त्यात राज्याचे उपमुख्यमंत्री अजित पवारांचाही समावेश आहे. त्यांनी बारामती तालुक्यातून अ वर्गातून त्यांनी उमेदवारी अर्ज दाखल केला आहे. आजवर सातवेळा अध्यक्षपदी राहिलेले अजित पवार आता उपमुख्यमंत्री असतानाही आठव्यांदा अध्यक्षपदाच्या तयारीत आहेत. त्यामुळे राजकारणात जिल्हा बँक आणि त्यामाध्यमातून शिखर बँकेच्या सत्ता महत्वाची असल्याचे दिसून येते.
सातवेळा जिल्हा बॅंकेच्या अध्यक्षपदावर अजित पवार
- अजित पवारांनी त्यांच्या राजकीय कारकिर्दीची सुरुवात जिल्हा बॅंकेतून केली होती.
- आतापर्यंत त्यांनी सातवेळा जिल्हा बॅंकेच्या अध्यक्षपदाचा मान भुषवला आहे.
- उपमुख्यमंत्री अजित पवार यांनी अ वर्ग, बारामती तालुक्यातून दोन उमेदवारी अर्ज गुरुवारी दाखल केले आहेत.
- पहिल्या उमेदवारी अर्जावर सूचक म्हणून सतीश हरिभाऊ तावरे, अनुमोदक म्हणून दिपक मलगुंडे दुसऱ्या उमेदवारी अर्जावर अमोल गावडे यांनी सूचक तर लालासाहेब मलावडे यांनी अनुमोदक म्हणून स्वाक्षरी केलीय.
६ डिसेंबरला अर्ज भरण्याची शेवटी तारीख
- पुणे जिल्हा बॅंक ही राज्यातील सहकार क्षेत्रातील अग्रगण्य बॅंक आहे.
- पीडीसीसीच्या संचालक मंडळातील २१ जागांकरिता दोन जानेवारीला मतदान होणार आहे.
- तर, ४ जानेवारीला मतमोजणी आहे.
- बॅंकेच्या २१ पैकी सर्वाधिक १३ जागा अ वर्ग मतदारसंघात आहेत.
- एकेक जागा ब (पणन, प्रक्रिया), क (पतसंस्था, नागरी, बॅंका), ड (उर्वरित), एससीएसटी, एनटी, ओबीसी आणि महिला यांच्यासाठी आहे.
- उमेदवारी अर्ज दाखल करण्यास २९ नोव्हेंबरपासून सुरुवात झाली आहे.
- त्याची मुदत ६ डिसेंबरपर्यंत आहे.
- उमेदवारी अर्जांची छाननी ७ तारखेला होऊन दोन जानेवारीला मतदान होणार आहे.
- उपमुख्यमंत्री अजित पवारांसह, शिरूरचे राष्ट्रवादीचे आमदार अशोक पवार यांचा समावेश आहे.
- दरम्यान, राज्यमंत्री दत्तात्रेय भरणे, खेडचे राष्ट्रवादीचे आमदार दिलीप मोहिते आणि पुरंदरचे काँग्रेसचे आमदार संजय जगताप यांनी अगोदरच उमेदवारी दाखल केलेली आहे.
Subscribe
