देशातील लसीकरणाचा दिवस ठरला; केंद्र सरकारची मोठी घोषणा

देशात सर्वांचेच लक्ष सध्या कोरोना प्रतिबंधक लसीच्या लसीकरणाकडे लागले आहे. या व्हायरसमुळे जगभरात आतापर्यंत कोटयवधी लोकांनी आपले प्राण गमावले लागले आहेत. त्यामुळे लसीकरण हाच कोरोना विषाणूचे संक्रमण रोखण्याचा एकमेव मार्ग आहे. कोरोनाच्या धोक्यामुळे लागू केलेल्या लॉकडाउनमुळे आर्थिक हानी मोठ्याप्रमाणात झाली आहे. कोट्यवधी लोक बेरोजगार झाले. त्यामुळे सर्वांचेच लक्ष लसीकरणाकडे लागलेले असून सरकारने यासंबंधित एक महत्त्वाची घोषणा केली आहे.

देशात येत्या १६ जानेवारीपासून कोरोना प्रतिबंधक लसीकरणास सुरुवात होणार आहे. वर्षाच्या सुरुवातीलाच देशाला कोव्हिशिल्ड आणि स्वदेशी कोव्हॅक्सिन या दोन कोरोना प्रतिबंधक लसींच्या आपत्कालीन वापरास मान्यता मिळाली होती. याच लसीच्या लसीकरणास सुरूवात केली जाणार आहे.

Vaccination drive to kick off on 16th Jan, 2021. Priority will be given to the healthcare workers and the frontline workers, estimated to be around 3 cr, followed by those above 50 years and the under-50 population groups with co-morbidities numbering around 27 cr: Govt of India pic.twitter.com/M4CzcBzMqf

— ANI (@ANI) January 9, 2021

लसीकरणात आरोग्य क्षेत्रातील कर्मचारी आणि कोरोना योद्धयांना पहिले प्राधान्य दिले जाणार आहे. तसेच पहिल्या टप्प्यात तीन कोटी नागरिक लसीकरणाचा भाग होणार आहेत. तर त्यानंतर ५० वर्षावरील व्यक्ती आणि को-मोर्बिडीटी असणारे ५० पेक्षा कमी वयाच्या लोकांना लसीचे डोस दिले जाणार आहे.