मुक्तपीठ टीम
सर्व मुंबईकरांनी काळजी करण्यासारखी बातमी समोर आली आहे. मुंबईत पुन्हा एकदा कोरोना किंचित का होईना डोकं वर काढताना दिसत आहे. १७ मार्चनंतर बुधवारी मुंबईत बुधवारी प्रथमच एका दिवसात ७३ रुग्ण आढळले आहेत. मात्र कोरोनामुळे कोणाचाही मृत्यू झालेला नाही, ही दिलासादायक बाब आहे. यामुळे मुंबईकरांनो घाबरू नका, तर काळजी घ्या, असे आवाहन आहे.
नवे रुग्ण वाढू लागले, पण कोरोनाने नवा मृत्यू नाही!
- मुंबई मनपाच्या आकडेवारीनुसार कोरोनामुळे कोणताही नवीन मृत्यू झालेला नाही.
- मुंबईतील मृतांची संख्या १९ हजार ५६० वरच आहे.
- ७३ रुग्णांपैकी ६८ रुग्ण हे लक्षणे नसलेले आहेत, तर पाच रुग्णांना रुग्णालयात दाखल करण्यात आले आहे.
- या आठवड्याच्या सुरुवातीपासून मुंबईत कोरोनाच्या रुग्णांमध्ये सातत्याने वाढ होत आहे.
- सोमवारी शहरात कोरोनाचे २३ रुग्ण आढळले.
- तर मंगळवारी ५२ प्रकरणे नोंदवली गेली.
- ३ मार्चपासून मुंबईत दररोज शंभरच्या खाली कोरोना रुग्ण आढळत आहेत.
पॉझिटिव्हीटी रेट किंचित वाढला!
- रोजच्या नव्या रुग्णांमध्ये वाढ झाल्याने मुंबईचा पॉझिटिव्हीटी रेट ०.००५ टक्क्यांवरून ०.००७ टक्क्यांवर पोहोचला आहे.
- गेल्या २४ तासांत कोरोनाच्या ९९७० चाचण्या करण्यात आल्या आहेत.
- बुधवारी ५१ कोरोनाचे रुग्ण बरे झाले.
- मुंबईतील कोरोना रुग्णांचा बरा होण्याचा दर ९८ टक्क्यांवर पोहोचला आहे.
Subscribe
