मुक्तपीठ टीम
राज्याचे मुख्यमंत्री एकनाथ शिंदे यांच्या आजच्या सर्व बैठका, दौरे आणि कार्यक्रम रद्द करण्यात आले आहेत. कारण मुख्यमंत्री एकनाथ शिंदे यांचे सततचे दौरे आणि सभांमुळे प्रकृती बिघडली आहे. डॉक्टरांनी त्यांना सक्त विश्रांती घेण्याचा सल्ला दिला आहे. दरम्यान शिंदे यांना थकवा जाणवत असला तरी चिंता करण्याचं कारण नसल्याचंही डॉक्टरांनी सांगितलं आहे.
मुख्यमंत्र्यांना डॉक्टरांचा आराम करण्याचा सल्ला!!
- मुख्यमंत्रीपदाची शपथ घेतल्यापासून एकनाथ शिंदे यांची धावपळ सुरुच आहे.
- सततचे दौरे सुरु आहेत.
- महाराष्ट्र दौरा, उद्धाटनाचे कार्यक्रम, सत्कार समारंभ, जाहीर सभा, बैठका यामध्ये एकनाथ शिंदे सतत व्यस्त आहेत.
- आतापर्यंत ते अनेकदा दिल्ली दौऱ्यावर गेले आहेत.
- तसेच त्यांनी मुख्यमंत्री झाल्यापासून पूरग्रस्त भागाचा राज्याचा देखील दौरा केला आहे.
- या सगळ्याचा परिणाम त्यांच्या प्रकृतीवर झाला असून त्यांना थकवा जाणवू लागला आहे.
- डॉक्टरांनी त्यांना आराम करण्याचा सल्ला दिला आहे. याच पार्श्वभूमीवर आज होणाऱ्या सर्व प्रशासकीय बैठका रद्द करण्यात आल्या आहेत.
उपमुख्यमंत्री दिल्लीला रवाना!!
- दीपक केसरकर यांनी मुख्यमंत्री एकनाथ शिंदे यांच्या प्रकृतीबाबत माहिती दिली.
- ते म्हणाले, मुख्यमंत्री झाल्यापासून त्यांनी अनेक दौरे केले आहेत. यादरम्यान त्यांनी विश्रांती घेतली नाही. त्यामुळं आता त्यांना आरामाचा सल्ला देण्यात आला आहे. त्यामुळे आजचे सर्व कार्यकम रद्द केले आहेत.
- दरम्यान दुसरीकडे, राज्याचे उपमुख्यमंत्री देवेंद्र फडणवीस तातडीने दिल्लीला रवाना झाले आहेत. फडणवीसांनीही आपले सर्व कार्यक्रम रद्द केले आहेत.
- त्यांच्या दिल्ली दौऱ्याचं कारण समजू शकलेलं नाही.
Subscribe
