हरियाणातील कर्नालमध्येही शिवजयंती उत्साहात, महाराजांच्या जयघोषानं दुमदुमला आसमंत!

कर्नाल दादूपूर येथे छत्रपती शिवाजी महाराज वेल्फेअर संघ यांच्या वतीने छत्रपती शिवाजी महाराजांचा अर्धकृती पुतळ्याचे अनावरण करण्यात आले. ॲड. राजसाहेब पाटील, सर्वोच्च न्यायालय , नई दिल्ली व जुना आखाड्याचे महामंडलेश्वर स्वामी गणेशानंद जी महाराज यांच्या प्रमुख उपस्थितीत छत्रपती शिवाजी महाराज्यांच्या पुतळ्याचे अनावरण करण्यात आले. महाराष्ट्र बाहेर मोठ्या प्रमाणात साजरी होणारी शिव जयंती स्फुर्ती देणारी आहे, अशी भावना ॲड. राजसाहेब पाटील ह्यांनी अध्यक्षीय भाषणात व्यक्त केली.

आयोजक अध्यक्ष राजबीर दाभाडे जी, दादूपूरचे सरपंच, सचिव जगबिर सिंग जी मराठा, आदींनी  कर्नाल,पानिपत,कुरुक्षेत्र, रोहतक स्थित रोड मराठा समाजातर्फे व छत्रपती शिवाजी महाराज वेल्फेअर संघ यांच्या तर्फे शिव जयंती मोठ्या उत्साहात साजरी केली गेली. ह्यावेळी संपूर्ण भारतातून शिव प्रेमी उपस्थित होते. त्यात प्रामुख्याने सिने व्यावसायिक दिपक चौधरी,मुंबई, आंध्र प्रदेशचे राष्ट्रीय समरसता मंच चे राष्ट्रीय महासचिव कृष्णकिशोर जी, छत्रपती शिवाजी स्वराज्य मिशन, दिल्ली चे अध्यक्ष ॲड. व्ही एस खामकर तसेच शेकडो रोड मराठा बांधव ह्या शिव जयंती उत्सवात सामील झाले होते.