मुंबईच्या साकीनाका भागात अमानुष अत्याचार झालेल्या महिलेचा मृत्यू! संतापाचा भडका!!

मुक्तपीठ टीम

मुंबईतील साकीनाका भागात अमानुष अत्याचार झालेल्या महिलेचा मृत्यू ओढवला आहे. त्या महिलेच्या गुप्तांगात लोखंडी सळई घुसवल्यामुळे तिच्या अंतर्गत अवयवांना गंभीर इजा झाल्यामुळे तिची अवस्था अतिगंभीर होती. मुंबई मनपाच्या राजावाडी रुग्णालयातील डॉक्टरांनी प्रयत्नांची शर्थीचे प्रयत्न करुनही तिचा मृत्यू ओढवला आहे. भाजपा नेत्या चित्रा वाघ यांनी या प्रकरणी आघाडी सरकारवर टीकेची तोड डागली आहे. रोजच अशा घटना घडत असल्याच्या घटनांमुळे मन सुन्न होत आहे. पण तरीही सरकारला काही पडलेली नाही. मुर्दाड सरकार आणि यंत्रणेला काही फरक पडत नसल्याचं त्या संतापानं म्हणाल्या. पोलिसांनी या प्रकरणी मोहन चौहान या आरोपीला जेरबंद केले आहे.

संतापाचा भडका उडवणारी अमानुषता

• मुंबईच्या साकीनाका परिसरात ही घटना घडली आहे.
• गुरुवारी मध्यरात्री एका महिलेला मारहाण होत असल्याची तक्रार आल्यानंतर पोलीस घटनास्थळी पोहचले.
• तेव्हा एका ३२ वर्षांच्या महिलेवर अमानुष अत्याचाराची संतापजनक घटना उघड झाली.
• साकीनाकाच्या खैरानी रोड परिसरात ही घटना घडली.
• या संतापजनक मारहाणीमुळे स्थानिकांमध्ये संताप उसळलाय.

पोलिसांकडून नराधमाला अटक

• मुंबईच्या साकीनाका भागात ही अमानुष घटना गुरुवारी ९ ऑगस्टच्या मध्यरात्री घडली.
• डॉक्टरी तपासणीत तिच्या अंतर्गत अवयवांना लोखंडी सळईमुळे गंभीर जखमा झाल्या असल्याचे लक्षात आले.
• डॉक्टरांची टीम तिच्यावर उपचार करण्यासाठी अथक प्रयत्न करत होती.
• पण अखेर आज तिची मृत्यूशी झुंज अपयशी ठरली.
• या घटनेतील मोहन चौहान या आरोपीला पोलिसांनी अटक केली आहे.

सीसीटीव्हीत मारहाणीचा पुरावा?

• • आरोपीने महिलेला अमानुष मारहाण एका सीसीटीव्हीत कैद झाल्याची माहिती मिळत आहे.
  • पोलिसांनी तो पुरावा ताब्यात घेतला आहे.
  • पोलिसांनी बलात्काराचा गुन्हा नोंदवला असून आता त्यात हत्येचा आरोपही वाढवण्यात येईल.
  • पोलिसांनी दिलेल्या माहितीनुसार सीसीटीव्हीत एकच आरोपी दिसतो आहे. मात्र, एकापेक्षा जास्त आरोपी सामील होण्याची शक्यता व्यक्त केली जात आहे.