मुंबई मनपाच्या शाळा देशातील टॉप टेनमध्ये! आदित्य ठाकरेंकडून कौतुक!!

मुक्तपीठ टीम

मुंबई मनपाच्या मुंबई पब्लिक स्कूल, वरळी सी फेस शाळा आणि पूनमनगर सीबीएसई शाळा या दोन शाळांना देशातील अव्वल दहा सहकारी शाळांच्या यादीत स्थान मिळाले आहे. शिक्षण क्षेत्राशी निगडित संकेतस्थळाने देशभरातील सरकारी शाळांचे ऑनलाईन सर्वेक्ष करून ही यादी जाहीर केली आहे. या यशाबद्दल मुंबई उपनगर जिल्हा पालकमंत्री आदित्य ठाकरे, मुंबईच्या महापौर किशोरी पेडणेकर, मनपा आयुक्त इकबाल सिंह चहल, आदी मान्यवरांनी या शाळांचे भरभरून कौतुक केले आहे.

We’ve got 2 schools of the @mybmc in the @EWPortal ’s top ten in India!
Proud that the Mumbai Public School, Worli is ranked 1 in Maharashtra, 5th in India and and MPS Poonam Nagar CBSE is ranked 2 in Maharashtra and 10th in India.
Well done @mybmcedu https://t.co/vX5QJRAZ3N

— Aaditya Thackeray (@AUThackeray) November 17, 2021

शाळांनी ऑनलाईन अर्ज सादर केले

• मुंबई मनपाअंतर्गत मुंबई पब्लिक स्कूल वरळी सी फेस शाळा व मुंबई पब्लिक स्कूल पूनमनगर सीबीएसई अभ्यासक्रम शाळा अशा दोन शाळा ‘एज्युकेशन वर्ल्ड स्कूल रँकिंग ऑफ गव्हर्नमेंट स्कूल्स इन इंडिया – सन २०२१-२२ या उपक्रम अंतर्गत ऑगस्ट २०२१ मध्ये आयोजित सर्वेक्षणामध्ये सहभागी झाल्या होत्या.
• त्यासाठी या शाळांनी ऑनलाईन अर्ज सादर केले.
• शिक्षकांचा अध्यापन दर्जा व क्षमता, शाळा इमारत, भौतिक सुविधा, अध्यापन कृती, विद्यार्थी सर्वांगीण विकासासाठी उपक्रम, सह-शालेय उपक्रम, ऑनलाईन पद्धतीने अध्यापन, मुख्याध्यापक नेतृत्व गुण, पालकांचा सहभाग या सर्व मुद्यांचा सर्वेक्षणामध्ये समावेश होता.
• सर्वेक्षणामध्ये दिलेल्या माहितीच्या अनुषंगाने राज्यस्तरावर व राष्ट्रीय स्तरावर विविध शाळांची सखोल परिक्षण अंती निवड करण्यात आलेली आहे.
• त्यामध्ये मुंबई पब्लिक स्कूल वरळी सी फेस मनपा शाळेस राज्यस्तरीय प्रथम क्रमांक व राष्ट्रीय स्तरावर पाचव्या क्रमांकाने मानांकन प्राप्त झाले आहे.
• तसेच मुंबई पब्लिक स्कूल पूनमनगर सीबीएसई अभ्यासक्रम शाळेस राज्यस्तरीय द्वितीय क्रमांक व राष्ट्रीय स्तरावर दहावे मानांकन प्राप्त झाले आहे.

या दोन शाळांना जागतिक पातळीवर गौरविण्यात आले

• हवामान कृती आराखड्यासाठी देखील सप्टेंबर २०२१ मध्ये या शाळांनी ऑनलाईन अर्ज सादर केले होते.
• या अनुषंगाने या शाळांनी या उपक्रमावर काम करण्यास सुरुवात केली.
• जागतिक व राष्ट्रीय स्तरावर हवामान बदलाबाबत सुरु असलेल्या प्रकल्पाची माहिती घेऊन विविध उपक्रम राबविण्यात आले.
• तसेच या हवामान बदल उपक्रमामध्ये कार्यरत असलेल्या किंवा सहभागी असलेल्या परदेशांतील विविध शाळांशी संपर्क करून उपक्रम व प्रकल्पांबाबत माहितीची देवाणघेवाण करण्यात आली.
• या सर्व उपक्रमांसाठी एकूण ३ आठवडे एवढा कालावधी होता.
• या उपक्रमामध्ये जागतिक स्तरावर सहभागी शाळांपैकी सीबीएसई हरियाली व्हिलेज व सीबीएसई काणे नगर शाळांची निवड झाली असून त्यांचा जागतिक स्तरावर सन्मान करण्यात आला आहे.
• मुंबई पब्लिक स्कूल अजीजबाग व मुंबई पब्लिक स्कूल पूनम नगर सीबीएसई अभ्यासक्रम शाळा अशा या दोन शाळांनाही यामध्ये सहभागी झाल्याबाबत गौरविण्यात आले आहे.