कोरोना घरीच विलगीकरण…वाचा हे नवे नियम!

मुक्तपीठ टीम

वाढती कोरोना रुग्ण संख्या पाहता मुंबई महानगरपालिका आता सतर्क झाली आहे. पालिकेच्या सार्वजनिक आरोग्य खात्याने गृह विलगीकरणाबाबत सुधारीत सूचना जारी केल्या आहेत. लक्षणे नसलेले किंवा सौम्य लक्षणे असलेल्या कोरोना बाधित रुग्णांसाठी गृह विलगीकरणाचा एकूण कालवधी सतरा दिवसांचा असल्याचे पालिकेने स्पष्ट केले आहे. हा कालावधी पाळणे आवश्यक असून त्यामध्ये कोणतीही कपात करण्यात आलेली नसल्याचे पालिकेच्या आरोग्य विभागाने स्पष्ट केले आहे.

डॉक्टरांच्या सल्ल्यानेच डिस्चार्ज
लक्षणे नसलेले बाधित किंवा सौम्य लक्षणे असलेले रुग्ण घरीच विलग राहून, योग्य औषधोपचार घेत लवकर बरे होवू शकतात. असे रुग्ण बाधित झाल्याचे स्पष्ट झाल्यापासून दहा दिवस गृह विलगीकरणात राहिल्यानंतर त्यांना महानगरपालिकेचे वैद्यकीय अधिकारी पथकाच्या सल्ल्यानेच डिस्चार्ज मिळाल्याचे मानण्यात येईल.

सतरा दिवस गृह विलगीकरण कालावधी पूर्ण करणे आवश्यक

• डिस्चार्जसाठी संबंधित रुग्णाने त्यांच्या विभागाच्या वैद्यकीय अधिकारी (आरोग्य) पथकाकडे दहा दिवस पूर्ण झाल्यावर प्रकृतीबाबत सारखी माहिती देणे आवश्यक आहे.
• त्यानंतर इतर सर्व रुग्णांप्रमाणेच पुढील सात दिवस गृह विलगीकरण पाळणे आवश्यकच आहे.
• म्हणजेच दहा अधिक सात असे एकूण सतरा दिवस गृह विलगीकरण कालावधी पूर्ण करणे आवश्यक आहे.
• त्यात कोणतीही सूट दिलेली नाही, असे पालिके ने स्पष्ट के ले आहे.
• तसेच विलगीकरण कालावधी योग्यरीत्या पाळून सहकार्य करावे, असे आवाहन सार्वजनिक आरोग्य खात्याच्या कार्यकारी आरोग्य अधिकारी डॉ. मंगला गोमारे यांनी केले आहे.