“एसटी संप चिघळवून कोट्यवधींच्या जमिनीची विल्हेवाट लावण्याचा अनिल परब आणि सरकारचा डाव !” -गोपीचंद पडळकर

मुक्तपीठ टीम

एसटी कर्मचाऱ्यांचा संप चिघळून विविध शहरातील करोडोच्या जमिनीची विल्हेवाट लावण्याचा अनिल परब आणि सरकार चा डाव दिसतोय असा घणाघाती आरोप भाजपा आमदार गोपीचंद पडळकर यांनी केला आहे.

परिवहन मंत्री अनिल परबांनी आपले अपयश झाकण्याकरिता, मी आणि सदाभाऊ, एस.टी कर्मचाऱ्यांचे डोके भडकवत आहोत, असे वारंवार आरोप केले. पण तीन आठवड्यांचा कालावधी गेल्यानंतरसुद्धा ते आपल्या विभागाच्या कर्मचाऱ्यांचा विश्वास संपादन करण्यासाठी मंत्री म्हणून अपयशी ठरले आहेतअसा आरोपही पडळकर यांनी केला.

आता ते मुघलशाही पद्घतीने मेस्मा कायदा लावण्याची धमकी देतायेत.त्याचा आम्ही विरोध व निषेध करतो. ज्या पद्धतीने मुंबई मील कामगारांचा संप चिघळवला व शेवटी अनिर्णयीत परिस्थितीत आणून ठेवला आणि नंतर मील मालकांसोबत मिलीभगत करत जमिनी विकून करोडोची टक्केवारी गोळा केली होती तशाच एसटीच्या जागा हडप करण्याचा सरकारचा डाव असल्याचेही गोपीचंद पडळकर यांनी स्पष्ट केले. ते सांगलीत बोलत होते.