सोमय्यांच्या गाडीवरील हल्ल्यानंतर भाजपा आक्रमक!

मुक्तपीठ टीम

अटकेतील खासदार नवनीत राणा आणि आमदार रवी राणा यांना भेटण्यासाठी आलेले भाजपा नेते किरीट सोमय्या यांच्या गाडीवर शिवसैनिकांच्या जमावाने हल्ला केला, असा आरोप त्यांनी केला आहे. या हल्ल्यात सोमय्यांच्या गाडीची काच फुटली असून त्यांनाही जखम झाली आहे. त्यानंतर भाजपा आक्रमक झाली आहे. भाजपा नेते आमदार आशिष शेलार यांनी रात्री पोलीस ठाण्याला भेट दिल्यानंतर “लोकशाहीला लोकशाहीने, ठोकशाहीला ठोकशाहीने उत्तर देणार!” असा इशारा दिला आहे.

महाराष्ट्रातील भाजप नेते किरीट सोमय्या यांनी आरोप केला आहे की, त्यांच्या गाडीवर शिवसैनिकांनी हल्ला केला होता. किरीट सोमय्या यांनी सांगितले की, खार पोलिस ठाण्यामध्ये नवनीत राणा आणि रवी राणा यांची भेट घेतल्यानंतर ते परतत असताना त्यांच्या गाडीवर हल्ला झाला. कारवर झालेल्या हल्ल्यानंतर भाजप नेते किरीट सोमय्या शनिवारी रात्री उशिरा वांद्रे पोलीस ठाण्यात पोहोचले.

सोमय्यांचे आरोप करणारे ट्वीट

I am shocked, in presence 50 police persons, in the compound/campus of Khar Police Station, Shivsena’s 100 Gundas assault me with Stones, Wanted to KILL Me

What the Police Commissioner is doing?

How so many Mafia Sena Gundas allowed to gathered in police station? @BJP4India

— Kirit Somaiya (@KiritSomaiya) April 23, 2022

सोमय्या यांच्या कारवरील हल्ल्यात कारच्या डावीकडच्या खिडकीच्या काचा फुटल्या. सीटवर काचेचे तुकडे पडले. कारवर झालेल्या हल्ल्यात आपल्यालाही दुखापत झाल्याचा दावा सोमय्या यांनी केला आहे. टीव्हीवरील दृश्यांमध्ये त्यांच्या हनुवटीला थोडंसं रक्त लागलेले दिसतात. सोमय्या यांनी ट्विट केले की, “शिवसेनेच्या गुंडांनी खार पोलिस ठाण्याजवळ जोरदार दगडफेक केली. माझ्या गाडीची काच फुटली आणि मी जखमी झालो.