कांगारूंना मायदेशातच हरवले…टीम इंडियाला ५ कोटींचा बोनस!

मुक्तपीठ टीम

गाबा मैदानावर भारतीय संघाने ऐतिहासिक विजयाची नोंद केली आहे. सलामीवीर फलंदाज शुबमन गिल (९१), चेतेश्वर पुजारी (५६) आणि ऋषभ पंत (८५) या तिघांच्या खेळाच्या जोरावर भारताने चौथा कसोटी आणि निर्णायक सामना आपल्या नावे केला. याविजयामुळे बॉर्डर-गावसकर कसोटी मालिका २-१ अशी जिकंली. अजिंक्य राहाणेच्या नेतृत्वाखाली भारताला मिळालेल्या या विजयानंतर बीसीसीआयने संघाला पाच कोटींचा बोनस जाहीर केला आहे.

अंतिम कसोटी सामन्यात भारतीय संघाने ३२८ धावांचा पाठलाग केला. गेल्या ३२ वर्षानंतर गाबा, ब्रिसबेन या मैदानात भारताने ही मोठी कामगिरी करून दाखवली आहे. या कामगिरीनंतर बीसीसीआयचे अध्यक्ष सौरव गांगुली आणि सचिव जय शहा यांनी ट्विट करून बोनस देण्याची घोषणा केली आहे.

Just a remarkable win…To go to Australia and win a test series in this way ..will be remembered in the history of indian cricket forever ..Bcci announces a 5 cr bonus for the team ..The value of this win is beyond any number ..well done to every member of the touring party..

— Sourav Ganguly (@SGanguly99) January 19, 2021

चारपैकी पहिल्या कसोटी सामन्यात भारताचा ऑस्ट्रेलियाने दारूण पराभव केला होता. त्यानंतर अजिंक्य रहाणेच्या नेतृत्वात दुसऱ्या कसोटी सामन्यात भारताने ८ गडी राखून विजय मिळवला. तर हनुमा विहारी आणि आर. अश्विन यांनी संयम आणि जिद्दीने फलंदाजी करत तिसरा कसोटी सामना अनिर्णित राखण्यात यश मिळवले. तर चौथ्या कसोटी सामन्यात सांघिक खेळाच्या बळावर भारतीय संघाने ऐतिहासिक विजय मिळवला आहे.

The @BCCI has announced INR 5 Crore as team bonus. These are special moments for India Cricket. An outstanding display of character and skill #TeamIndia #AUSvIND #Gabba

— Jay Shah (@JayShah) January 19, 2021