"...तर राज ठाकरे टेबलवर उभे राहून सभा घेतील!"

मुक्तपीठ टीम

येत्या ९ एप्रिल रोजी मनसे अध्यक्ष राज ठाकरे ठाण्यामध्ये सभा घेणार आहेत. ठाण्याच्या गडकरी रंगायतन समोरील मूस रोड येथे सभा ठरवण्यात आली आहे. मात्र या रस्त्यावरच्या सभेसाठी पोलिस परवानगी अद्याप मिळालेली नाही. त्यामुळे मनसे नेते बाळा नांदगावकर यांनी ठाणे पोलीस आयुक्तांची भेट घेतली आहे. तसेच ठाण्यात सभेसाठी अनेक जागांची पाहणीही केली. यावेळी माध्यमांशी बोलताना, प्रसंगी टेबलवर उभे करून राज ठाकरे यांना भाषण करावे लागलं तर चालेल, मात्र ठाण्यातील सभा ही होणारच, असे त्यांनी विरोधकांना ठणकावून सांगितले.

टेबलवर उभे करून राज ठाकरे यांना भाषण करावे लागलं तरी चालेल!

ठाण्यात जागा आणि मैदाने कमी आहेत.
दुसरीकडे वाहतूक कोंडीचा प्रश्न असल्याने परवानगी पोलीस परवानगी देत नाहीत.
सभा घेणार तर कुठे घेणार? परवानगी नाही मिळाली तर रस्त्यावरच सभा घेणार.
गडकरी रंगायतनच्या बाहेर रस्त्यावर पाहणी करणार . राज्य सरकारबाबत बोलायचे नाही.
नामावली बंधने करत असतात.
मात्र आम्ही शिवतीर्थावर सभा घेतली होती.
निर्बंध घातले तरी आम्ही सभा घेणारच.
टेबलवर उभे करून राज ठाकरे यांना भाषण करावे लागलं तरी चालेल.
मात्र सभा ही होणारच हे नक्की आहे. साहेबांच्या सभेसाठी लहान जागा नकोच.

बाळा नांदगावकर आज ठाण्यात आले!

मनसे नेते बाळा नांदगावकर आज ठाण्यात आले होते.
बाळा नांदगावकर, अविनाश जाधव, ठाणे शहर अध्यक्ष रवींद्र मोरे हे यावेळी पोलिस आयुक्तांच्या भेटीला आले होते.
राज ठाकरे यांची सभा गडकरी रंगायतन बाहेर घेण्यात येणार आहे.
त्याला परवानगी देण्यात यावी म्हणून नांदगावकर यांनी पोलीस आयुक्तांशी संवाद साधला.
पोलिस आयुक्त जयजीत सिंग, पोलिस उपायुक्त अविनाश अंबुरे, सहायक पोलिस आयुक्त सोनाली ढोले, वरिष्ठ पोलिस निरीक्षण संजय धुमाळ आदींशी त्यांनी चर्चा केली.
त्यानंतर त्यांनी पत्रकारांशी बोलताना हा इशारा दिला.
येत्या ९ एप्रिल रोजी ठाण्यात राज ठाकरे यांची सभा होणार आहे.
त्याआधीच नौपाडा पोलिसांनी मनसे नेते अविनाश जाधव यांना जागेच्या संदर्भाने समजपत्रं दिलं आहे.