२०२४ नंतरही ‘ते’ भावी पंतप्रधानच असतील! – अतुल भातखळकर

मुक्तपीठ टीम

राष्ट्रवादी काँग्रेसचे सर्वेसर्वा शरद पवार यांनी राजकीय चाणक्य म्हणून ओळखले जाणारे प्रशांत किशोर यांची भेट घेतलीय या दोघांमध्ये तब्बल साडेतीन तास चर्चा झाल्याने राजकीय वर्तुळात चर्चा रंगली आहे. याच भाजपाचे अतुल भातखळकर यांनी खोचक ट्विट करून पवारांवर नाव न घेता टोला लगावला आहे.

अतुल भातखळकरांचं ट्विट-

२०२४ नंतरही ते भावी पंतप्रधानच असतील…,असं खोचक ट्विट अतुल भातखळकर यांनी केलं आहे. भातखळकर यांनी या ट्विटमध्ये पवारांचं नाव घेता अप्रत्यक्षपणे टीका केली आहे.

२०२४ नंतरही ते भावी पंतप्रधानच असतील…

— Atul Bhatkhalkar (@BhatkhalkarA) June 12, 2021

फडणवीसांची टीका-

याआधी विरोधी पक्षनेते देवेंद्र फडणवीस यांनीही या भेटीवर प्रतिक्रिया दिली आहे. कुणी कितीही रणनीती आखू द्या, आजही मोदी आहेत आणि २०२४ मध्येही मोदींच्याच नेतृत्वात सरकार येईल, असा दावा फडणवीस यांनी केला आहे.

राजकीय रणनीतीकाराचा अनुभव आणि देशात राजकीय परिस्थितीसंबंधीत भेट –

• पवार-प्रशांत किशोर यांच्या भेटीवर राष्ट्रवादीने खुलासा केला आहे.
• राष्ट्रवादी काँग्रेसची कोणतीही जबाबदारी राजकीय रणनीतीकार प्रशांत किशोर यांच्याकडे देण्यात आलेली नाही.
• प्रशांत किशोर हे राजकीय रणनीतीकार आहेत.
• त्यांचा वेगळा अनुभव आहे.
• तो अनुभव आणि देशात राजकीय परिस्थिती काय आहे याची माहिती प्रशांत किशोर यांनी शरद पवारांना दिली, असं राष्ट्रवादीचे प्रवक्ते नवाब मलिक यांनी स्पष्ट केलं आहे.