आसुसचा क्रोमबुक लॅपटॉप आता फक्त वीस हजारात, सिंगल चार्जमध्ये १३ तास बॅटरी!

मुक्तपीठ टीम

आसूसने आपला बजेट क्रोमबुक लॅपटॉप भारतीय बाजारात लॉंच केला आहे. त्याचा मॉडेल क्रमांक CX1101 असा आहे. या क्रोमबुकमध्ये ११.६ इंचाचा अँटी-ग्लेअर एचडी डिस्प्ले आहे. या रग्ड डिझाइनसाठी MIL-STD 810H प्रमाणपत्र देखील मिळाले आहे. लॅपटॉपमध्ये ४जीबी रॅम आणि ६४जीबी eMMC स्टोरेजसह जोडलेल्या ड्युअल-कोर इंटेल सेलेरोन N4020 प्रोसेसरची क्षमता आहे.

आसुसचा क्रोमबुकविषयीच्या विक्री-खरेदीची सविस्तर माहिती

या क्रोमबुकची सुरुवातीची किंमत १९ हजार ९९९ रुपये आहे.
त्याची विक्री १५ डिसेंबरपासून फ्लिपकार्टवर सुरू होईल.
लॉंचिंग ऑफरचा भाग म्हणून १५ ते २१ डिसेंबर दरम्यान हे क्रोमबुक खरेदी करणाऱ्या ग्राहकांना कंपनी १ हजार ९ रूपयांची सूट देईल.
या ऑफरमुळे ग्राहकांना क्रोमबुक फक्त १८ हजार ९९० रुपयांना खरेदी करता येईल.

आसुस क्रोमबुक CX1101चे स्पेसिफिकेशन

या क्रोमबुकमध्ये ११.६ इंचाचा अँटी-ग्लेअर एचडी एलसीडी डिस्प्ले आहे.
यात ड्युअल-कोर इंटेल सेलेरॉन N4020 प्रोसेसर, ४जीबी LPDDR4 रॅम आणि ६४जीबी eMMC स्टोरेज आहे.
ते गुगलच्या क्रोम ऑपरेटिंग सिस्टमवर चालेल.
क्रोमबुकला रग्ड डिझाईन देण्यात आले आहे, त्यासाठी यात धातूचा वापर करण्यात आला आहे.
स्क्रीनचे लीड १८०-डिग्री पर्यंत फिरवले जाऊ शकते.
क्रोमबुकमध्ये ३-सेल ४२Whr बॅटरी आहे.
एका चार्जवर १३ तासांचा बॅकअप घेता येईल असे कंपनीचे म्हणणे आहे.
हे ४५डब्ल्यू यूएसबी-टाईप सी चार्जिंगला सपोर्ट करते.
कनेक्टिव्हिटीसाठी, यात दोन यूअसबी ३.२ टाईप-सी पोर्ट, दोन यूएसबी ३.२ टाईप-ए पोर्ट, मायक्रो एसडी कार्ड रीडर, ३.५ एमएम ऑडिओ जॅक आहेत.
लॅपटॉपचे डायमेंशन २९१.६x२००.९x१९.५एमएम आणि वजन १.२४ किलो आहे.