मुक्तपीठ टीम
आसामचे मुख्यमंत्री हिमंता बिस्वा सरमा यांच्या पत्नी रिंकी सरमा यांनी गुन्हा दाखल केला आहे. रिंकी सरमा यांनी सिसोदिया यांच्यावर १०० कोटी रुपयांचा मानहानीचा दावा दाखल केला आहे. आपचे नेते आणि दिल्लीचे उपमुख्यमंत्री मनीष सिसोदिया हे अडचणीच्या भोवऱ्यात अडकण्याची शक्यता सध्या वर्तवली जात आहे. यांच्या अडचणीत यामुळे वाढ झाली आहे. रिंकी सरमा यांनी मनीष सिसोदिया यांच्याविरोधात गुवाहाटी येथील दिवाणी न्यायाधीश न्यायालयात १०० कोटी रुपयांचा मानहानीचा खटला दाखल केला आहे.
कोरोना काळात पीपीई किट निविदा प्रकरणाशी संबंधित गुन्हा दाखल
- दिल्लीचे उपमुख्यमंत्री मनीष सिसोदिया यांनी पीपीई खरेदी प्रकरणाबाबत वक्तव्य केले होते.
- या वक्तव्याविरोधात रिंकी सरमा यांनी मानहानीचा खटला दाखल केला आहे.
- मनीष सिसोदिया यांनी त्यांच्या वक्तव्यात पीपीई किट खरेदीत घोटाळा झाल्याचा आरोप केला होता, त्याच विधानाबाबत रिंकी सरमा यांनी गुन्हा दाखल केला आहे.
रिंकी सरमा सरमा यांचे वकील पी नायक यांनी सांगितले की, २१ जून २०२२ रोजी हा गुन्हा दाखल करण्यात आला आहे. हे प्रकरण आज सूचीबद्ध होण्याची अपेक्षा आहे. अशा परिस्थितीत गुवाहाटी उच्च न्यायालयात आज सुनावणी होऊ शकते. मनीष सिसोदिया यांनी एका निवेदनात आरोप केला आहे की, पीपीई किट खरेदीचे कंत्राट हिमंता सरमा यांची पत्नी रिंकी सरमा यांच्याशी संबंधित कंपनीला देण्यात आले होते.
मनीष सिसोदियांचा भाजपवर आरोप केला
१. याआधी आप नेते मनीष सिसोदिया यांनी भाजपवर काम थांबवण्यासाठी निराधार तक्रारी दाखल केल्याचा आरोप केला आहे.
२. लेफ्टनंट गव्हर्नर विनय कुमार सक्सेना यांच्याबाबतही सिसोदिया यांनी भाजपला पाठिंबा देण्याचे बोलले आहे. ३. सिसोदिया म्हणाले की, सक्सेना यांनी भाजप नेत्यांनी दिलेल्या खोट्या तक्रारींच्या आधारे एसीबी चौकशीचे आदेश देण्यासाठी सर्व कायदे आणि नियमांना बाजूला ठेवले आहे.
४. सिसोदिया म्हणाले की ज्या मुद्द्यावर भाजपने गुन्हा दाखल केला आहे ती २०२१ ची जुनी तक्रार आहे आणि माजी उपराज्यपाल अनिल बैजल यांनी ती फेटाळून लावली होती.
५. नवीन उपराज्यपालांनी या प्रकरणाच्या चौकशीला मंजुरी दिली आहे. अशा परिस्थितीत सिसोदिया यांनी विचारले की, नवीन उपराज्यपालांनी कोणाच्या दबावाखाली एक वर्ष जुन्या तक्रारीच्या आधारे ही चौकशी मंजूर केली आहे, तेव्हा अनिल बैजल यांनी तीच तक्रार निराधार असल्याचे म्हटले होते.
Subscribe
