मुक्तपीठ टीम
मुंबई बाँम्ब स्फोटातील आरोपींशी आर्थिक व्यवहार करणाऱ्या मंत्री नवाब मलिक यांनी राजीनामा द्यावा अशी मागणी करीत भाजपा नेते आमदार अँड आशिष शेलार यांच्या नेतृत्वाखाली खार येथे भाजपा कार्यकर्त्यांनी जोरदार आंदोलन करण्यात आले.
खार रेल्वे स्टेशन बाहेर वांद्रे पश्चिम विधानसभेतील भाजपा कार्यकर्त्यांनी हे आंदोलन केले. यावेळी नवाब मलिक यांनी राजीनामा द्यावा अशी जोरदार मागणी केली. तसेच मुंबई बाँम्ब स्फोटातील मुख्य आरोपी अंडरवर्ल्ड डाँन दाऊदच्या प्रमुख हस्तकांशी महाराष्ट्रातील एक मंत्री आर्थिक व्यवहार करतो, तसे पुरावे सापडले म्हणून त्याला अटक होते पण त्या मंत्र्यांचा राजीनामा घेतला जात नाही. ही बाब निंदनीय व निषेधार्थ असल्याने ठाकरे सरकारचा निषेध करीत हे आंदोलन करण्यात आले. यावेळी निष्पाप मुंबईकरांचे प्राण घेणाऱ्या दाऊद आणि नवाब यांचा पुतळा जाळून कार्यकर्त्यांनी आपला निषेध नोंदवला.
आमदार अँड आशिष शेलार यांच्या नेतृत्वाखाली झालेल्या या आंदोलनात विधानसभा भाजपा अध्यक्ष किशोर पुनवत, नगरसेविका अलका केरकर, स्वप्ना म्हात्रे, हेतल गाला यांच्या सह प्रमुख पदाधिकारी व कार्यकर्ते उपस्थितीत होते.
Subscribe
