रक्षाबंधनानिमित्त आशाताईंची पालघरच्या भावाला साद, मिळवली समस्या निवारणाची ओवाळणी!

ठाणे जिल्ह्यातील सहाशेपेक्षा जास्त आशाताई रविवारी शेजारच्या पालघर जिल्ह्यात गेल्या. रविवारी आपल्या घरी थांबण्यापेक्षा त्या आपल्या पालघरमधील झडपोली गावातील भावाच्या भेटीला गेल्या. तिथं त्यांनी जिजाऊ शैक्षणिक सामाजिक संस्थेचे संस्थापक अध्यक्ष निलेश भगवान सांबरे यांना रक्षाबंधननिमित्त ओवाळत राखी बांधली. आपल्या समस्या त्यांच्या कानावर टाकल्या आणि त्यांच्या भाऊरायानेही त्यांच्या समस्या सोडवण्याचा शब्द देत दिलाशाची ओवाळणी दिली.