मुक्तपीठ टीम
धूम म्हटले की तरुणाईच्या मनात रुंजी घालू लागतो तो वेड लावणारा वेग आणि धमाल वेगानं पुढं सरकणारं कथानक. आता पर्यंत तीन भाग हिट झाले ते काही उगाच नाही. आता चौथा भागही तसाच सुपर ड्युपर हिट होण्याची शक्यता आहे. कारण चर्चा आहे की, अक्षय कुमार आणि सलमान खान हे आपल्या बळावर चित्रपट हमखास हिट करणारे अभिनेते धूम – ४ मध्ये एकत्र येण्याची शक्यता आहे.
‘धूम’ चित्रपटांची सिरिज सर्वांच्याच पसंतीस उतरत असते. आतापर्यंत ‘धूम’ चित्रपटाचे ३ चित्रपट प्रदर्शित झाले आहेत, त्यातील पहिल्या २ चित्रपटांना प्रक्षेकांनी खूप पंसती दिली होती. तर तिसऱ्या चित्रपटाला बरा प्रतिसाद मिळाला होता. त्यामुळेच ‘धूम’ चित्रपटाच्या चौथ्या भागाची चाहते आतुरतेने वाट पाहत आहेत. अद्याप चित्रपट निर्मिती करणाऱ्या यशराज फिल्मकडून यासंबंधित कोणतीच अधिकृत घोषणा केलेली नाही. पण सोशल मीडियावर ‘धूम ४’ संबंधित वेगळीच चर्चा रंगत असल्याचे पाहायला मिळत आहे.
निर्मात्यांनी नाही ट्विटरकरांनी जाहीर केली स्टारकास्ट
• ‘धूम ४’ संबंधित सध्या काही ट्विट समोर येत आहेत.
• ज्यात धूम ४ मध्ये अक्षय कुमार आणि सलमान खान यांची नावे निश्चित झाल्याचे बोलले जात आहे.
• या ट्विटमुळे अक्षय कुमार आणि सलमान खानचे चाहते उत्सुक आहेत.
• मात्र, या चर्चेसंबंधीत अक्षय कुमार, सलमान खान किंवा यशराजचे सर्वेसर्वा आदित्य चौप्रा यांच्याकडून अधिकृत अशी घोषणा करण्यात आलेली नाही.
धमाल करणारा ‘धूम’
• ‘धूम’ चित्रपटाच्या पहिल्या भागात जॉन अब्राहम, दुसऱ्या भागात हृतिक रोशन आणि तिसऱ्या भागात आमिर खान हे अभिनेते प्रमुख भूमिकेत दिसले होते.
• या तिन्ही भागात एसीपी जय आणि अलीची भूमिका अभिषेक बच्चन आणि उदय चोप्रा यांनी साकारली होती.
• पण आता धूम ४ मध्ये जुनीच स्टार कास्ट असेल की, नव्या कलाकारांच्या संचात असेल त्यावर चर्चा रंगू लागली आहे.
Subscribe
