एका ग्रामीण मुलाने बनवली ६ सीटर स्वदेशी इलेक्ट्रिक बाईक! आनंद महिंद्रांनी केले कौतुक!

मुक्तपीठ टीम

ज्येष्ठ उद्योगपती आणि महिंद्रा अँड महिंद्रा कंपनीचे चेअरमन आनंद महिंद्रा यांनी काही दिवसांपूर्वी एका साध्या खेड्यातील मुलाच्या स्वदेशी शोधाचे कौतुक केले. सोशल मीडियावर एक व्हिडिओ खूप व्हायरल होत आहे, ज्यामध्ये एक गावातील मुलगा ६ सीटर इलेक्ट्रिक बाइक चालवताना दिसत आहे, जी त्याने स्वतः बनवली आहे. आनंद महिंद्रा यांनी हा व्हायरल व्हिडिओ ट्विटरवर शेअर केला असून या गावातील मुलाने केलेल्या नाविन्याचे आणि त्याच्या देसी जुगाडचे कौतुक केले आहे.

एका चार्जवर १५० किलोमीटर धावणार…

• या व्हायरल व्हिडिओमध्ये एक गावातील मुलगा त्याच्या हाताने बनवलेल्या 6 सीटर इलेक्ट्रिक बाईकची माहिती शेअर करताना दिसत आहे.
• ३० सेकंदाच्या व्हायरल व्हिडिओमध्ये मुलगा म्हणतो, ‘मी ही ६ सीटची इलेक्ट्रिक बाईक बनवली आहे.
• या बाईकवर ड्रायव्हरसह ६ प्रवासी एकाच वेळी बसू शकतात.
• ही बाईक मी १० ते १२ हजार रुपये खर्चून बनवली आहे.
• एकदा पूर्ण चार्ज केल्यानंतर ही बाईक १५० किलोमीटरपर्यंत चालवता येते.
• पूर्णपणे चार्ज होण्यासाठी फक्त ८ ते १० रुपये खर्च करावे लागतात.

ही बाईक जागतिक पातळीवर आणता येईल : आनंद महिंद्रा

• आनंद महिंद्रा यांनी हा व्हिडिओ शेअर केला आणि त्यांच्या कंपनीचे मुख्य डिझायनर प्रताप बोस यांना टॅग केले.
• त्यांनी व्हिडिओच्या कॅप्शनमध्ये लिहिले की, ‘डिझाईनमध्ये किरकोळ बदल केल्यानंतर ही बाईक जागतिक स्तरावर आणली जाऊ शकते.’
• ही बाईक युरोपातील गर्दीच्या पर्यटन केंद्रांमध्ये टूर ‘बस’ म्हणून वापरली जाऊ शकते का?
• मी नेहमीच ग्रामीण वाहतूक कल्पकतेचा चाहता आहे, जिथे गरज ही शोधाची जननी आहे.
• सोशल मीडियावर व्हायरल झालेला हा व्हिडीओ पाहून अनेक युजर्स कमेंट करत आहेत.
• या ग्रामीण मुलाचे आणि त्याच्या कल्पकतेचे कौतुक करत आहेत.