महिंद्रा महाराष्ट्रात पुण्यामध्ये ईव्ही मॅन्युफॅक्चरिंग प्लान्ट उभारणार

मुक्तपीठ टीम

भारतातील आघाडीच्या ऑटोमोटिव्ह कंपन्यांपैकी एक, महिंद्रा अँड महिंद्रा लिमिटेडने आज घोषणा केली आहे की, त्यांच्या इलेक्ट्रिक वाहनांसाठीच्या १०,००० कोटी रुपयांच्या गुंतवणुकीस महाराष्ट्र सरकारच्या इलेक्ट्रिक वाहनांसाठीच्या औद्योगिक प्रोत्साहन योजनेंतर्गत मंजुरी मिळाली आहे.

ही कंपनी आपल्या उपकंपनीमार्फत पुढील ७ ते ८ वर्षात जवळपास १०,००० कोटी रुपयांची गुंतवणूक करून उत्पादन तसेच संशोधन व विकास सुविधा आणि महिंद्राच्या नव्या बॉर्न इलेक्ट्रिक व्हेईकल्सच्या उत्पादनासाठी सुविधा उभारणार आहे. यापैकी काही वाहने १५ ऑगस्ट २०२२ रोजी युकेमधील ऑक्सफोर्डशायरमध्ये प्रदर्शित करण्यात आली होती. आधुनिक इन्ग्लो ईव्ही प्लॅटफॉर्मवर आधारित असलेल्या या वाहनांमध्ये एक्सयूव्ही या प्रतिष्ठित ब्रँडच्या तांब्याचा ट्वीन पीक लोगो असलेल्या ई-एसयूव्ही गाड्यांचा आणि नवा इलेक्ट्रिक-ओन्ली ब्रँड बीईचा समावेश असणार आहे.

महिंद्रा अँड महिंद्रा लिमिटेडचे ऑटो व फार्म सेक्टर्सचे कार्यकारी संचालक श्री. राजेश जेजुरीकर यांनी सांगितले, “पुण्यामध्ये आमचा ईव्ही उत्पादन प्लांट उभारण्यासाठी महाराष्ट्र सरकारकडून मंजुरी मिळाली आणि गेल्या ७० पेक्षा जास्त वर्षांपासून आमचे ‘गृह राज्य’ असलेल्या महाराष्ट्रात ही गुंतवणूक केली जाणार आहे ही आमच्यासाठी खूप आनंदाची बाब आहे. महाराष्ट्र सरकारकडून मिळत असलेल्या सातत्यपूर्ण पाठिंब्याबद्दल आम्ही खूप आभारी आहोत. व्यवसाय सुगमता आणि प्रगतिशील धोरणांवर सरकारकडून दिला जात असलेला भर आणि महिंद्राची गुंतवणूक या दोन्ही गोष्टी महाराष्ट्राला भारताचे ईव्ही हब बनवण्यात मोलाचे योगदान देतील आणि भारतीय व परदेशी थेट गुंतवणूकीस प्रोत्साहन देतील.”

About Mahindra

Founded in 1945, the Mahindra Group is one of the largest and most admired multinational federation of companies with 260,000 employees in over 100 countries. It enjoys a leadership position in farm equipment, utility vehicles, information technology and financial services in India and is the world’s largest tractor company by volume. It has a strong presence in renewable energy, agriculture, logistics, hospitality, and real estate.

The Mahindra Group has a clear focus on leading ESG globally, enabling rural prosperity and enhancing urban living, with a goal to drive positive change in the lives of communities and stakeholders to enable them to Rise.

Learn more about Mahindra on www.mahindra.com / Twitter and Facebook: @MahindraRise/ For updates subscribe to https://www.mahindra.com/news-room