विक्रम गोखले...अभिनयानं मराठीप्रमाणे हिंदीतही उमटवला ठसा!

मुक्तपीठ टीम

ज्येष्ठ अभिनेते विक्रम गोखले यांनी पुण्यात अखेरचा श्वास घेतला. संयत अभिनय आणि परखड मतांसाठी ओळखल्या जाणाऱ्या विक्रम गोखले यांनी मराठी नाटकं, चित्रपटांप्रमाणे हिंदी चित्रपटांमध्ये काम केल. विक्रम गोखले यांनी ‘हे राम’, ‘तुम बिन’, ‘भूल भुलैया’, ‘हिचकी’ आणि ‘मिशन मंगल’ यांसारख्या बॉलीवूड हिट चित्रपटांमध्येही देखील काम केले.

विक्रम गोखले यांच्या गाजलेल्या भूमिका!!

विक्रम गोखले यांनी आजवर अनेक मराठी आणि हिंदी चित्रपटांमध्ये काम केले आहे.
विक्रम गोखले यांचा चाहता वर्ग अत्यंत मोठा आहे.
१९७३ मधील वऱ्हाडी आणि वाजंत्री हा सिनेमा विक्रम गोखलेंच्या आयुष्यातील महत्त्वाचा सिनेमा ठरला. या चित्रपटात त्यांनी प्रोफेसर गोविंदराव ही भूमिका साकारली होती.
बाळा गाऊ कशी अंगाई या चित्रपटात अत्यंत तरूण विक्रम गोखले पाहायला मिळाले होते.
१९८९ मध्ये कळत नकळत हा त्यांचा चित्रपट चांगलाच गाजला होता.
माहेरची साडी सिनेमातील विक्रम गोखलेंची भूमिका कोणीही विसरू शकत नाही.
राजकारणावर आधारित वजीर हा चित्रपट चांगलाच गाजला होता. यात विक्रम गोखले यांनी पुरूषोत्तम ही व्यक्तिरेखा साकारली होती.
महेश मांजरेकर दिग्दर्शित नटसम्राट या सिनेमात अभिनेते नाना पाटेकर आणि विक्रम गोखले यांच्या अभिनयाची जुगलबंदी प्रेक्षकांना पाहायला मिळाली होती.
त्यांची अग्निहोत्र ही मालिका विशेष गाजली होती. या मालिकेत त्यांनी मोरेश्वर अग्निहोत्री ही भूमिका साकारात प्रेक्षकांची मने जिंकली होती.
नुकत्याच रिलीज झालेल्या गोदावरी हा सिनेमा विक्रम गोखले यांचा शेवटचा सिनेमा ठरला असं म्हणावं लागेल.

विक्रम गोखलेंनी मराठीप्रमाणे हिंदीतही उमटवला ठसा!

विक्रम गोखले यांनी वयाच्या २६ व्या वर्षी अभिनय क्षेत्रात पहिले पाऊल ठेवले.
त्यांनी १९९० मध्ये अमिताभ बच्चन यांच्या ‘अग्निपथ’ आणि १९९९ मध्ये सलमान खान आणि ऐश्वर्या राय बच्चन यांच्या ‘हम दिल दे चुके सनम’ मध्ये काम केले आहे.
याशिवाय त्यांनी अग्निपथ, दिल से, भूल भुलैया, दे दना दन, लाइफ पार्टनर, हिचकी, मिशन मंगल आणि निकम या चित्रपटांमध्येही काम केले.