भारतीय डिजिटल चलनात पहिल्याच दिवशी कोट्यवधी रुपयांचा व्यवहार!

मुक्तपीठ टीम

रिझर्व्ह बँक ऑफ इंडियाने १ नोव्हेंबर रोजी भारतातील पहिला डिजिटल रुपया लाँच केला. प्रायोगिक प्रकल्पाद्वारे विशिष्ट वापरासाठी डिजिटल रुपया लाँच करण्यात आला आहे. डिजिटल रुपया सध्या फक्त मोठ्या रकमांच्या व्यवहारांसाठी व सरकारी रोख्यांमधील व्यवहारांच्या सेटलमेंटसाठी वापरला जाईल.

कोणत्या नऊ बँकांना डिजिटल रूपयांमध्ये व्यवहार करण्याची परवानगी…

सुरवातीला नऊ बँकांना डिजिटल रूपयांमध्ये व्यवहार करण्याची परवानगी देण्यात आली आहे.
या बँकांमध्ये स्टेट बँक ऑफ इंडिया, बँक ऑफ बडोदा, युनियन बँक ऑफ इंडिया, एचडीएफसी बँक, आयसीआयसीआय बँक, कोटक महिंद्रा बँक, येस बँक, आयडीएफसी फर्स्ट बँक आणि एचएसबीसी यांचा समावेश आहे.
आरबीआयने गेल्या वर्षी ऑक्टोबरमध्ये सरकारला डिजिटल चलनाचा विस्तार करण्याचा प्रस्ताव दिला होता.

पहिल्या दिवशी किती झाला व्यवहार?

पहिल्या दिवशी ई-रुपया वापरून २.७५ अब्ज रुपयांची खरेदी-विक्री झाली.
पहिल्या दिवशी ५ वर्षे आणि १० वर्षांच्या रोख्यांची खरेदी-विक्री झाली.
मध्यवर्ती बँकेने मंगळवारी आपल्या डिजिटल चलनाचा प्रायोगिक वापर सुरू केला.
निवडक बँकांना सरकारी सिक्युरिटीजमधील दुय्यम-बाजार व्यवहारांचे निराकरण करण्यासाठी त्याचा वापर करण्याची परवानगी दिली.
क्लिअरिंग कॉर्पोरेशन ऑफ इंडिया लिमिटेडच्या डेटावरून भारतीय डिजिटल चलनाद्वारे बँकांनी पहिल्या दिवशी रोख्यांमध्ये २.७५ अब्ज व्यवहार केले.
डिजिटल चलनात सहभागी झालेल्या बँकांनी २०२७ च्या रोख्यांमध्ये १.४ अब्ज रुपयांचे २४ व्यवहार केले.
२०३२ च्या बाँड्समध्ये एकूण १.३ अब्ज रुपयांचे व्यवहार २३ व्यवहारांद्वारे झाले.
केंद्रीय अर्थमंत्री निर्मला सीतारामन यांनी घोषणा केली होती की, RBI २०२२-२३ मध्ये CBDC लाँच करेल.
डिजिटल चलन सुरू करण्याबाबत केंद्र सरकारकडून हे पहिले अधिकृत विधान होते.
CBDC आणल्यामुळे डिजिटल अर्थव्यवस्थेला चालना मिळेल आणि ती ब्लॉकचेनवर आधारित असेल.