मुक्तपीठ टीम
न्यायमूर्ती धनंजय यशवंत चंद्रचूड हे देशाचे ५०वे सरन्यायाधीश असणार आहेत. सर्वोच्च न्यायालयाचे सरन्यायाधीश उदय लळीत यांनी चंद्रचूड यांचे नाव उत्तराधिकारी म्हणून केंद्र सरकारकडे पाठवले आहे. त्यांच्याकडून धनंजय चंद्रचूड यांचं नाव सूचवण्यात आले आहे. लळीत हे ८ नोव्हेंबर २०२२ दिवशी निवृत्त होणार आहेत. न्यायमूर्ती चंद्रचूड यांचे वडील यशवंत विष्णु चंद्रचूड देशाचे १६ वे सरन्यायाधीश होते. इतिहासातील हे पहिले उदाहरण आहे की, वडिलांनंतर मुलगाही सरन्यायाधीश होईल.
न्यायमूर्ती चंद्रचूड यांचे वडील होते १६ वे सरन्यायाधीश!!!
- न्यायमूर्ती चंद्रचूड यांचे वडील यशवंत विष्णु चंद्रचूड देशाचे १६ वे सरन्यायाधीश होते.
- वाय.व्ही. चंद्रचूड यांचा कार्यकाळ २२ फेब्रुवारी १९७८ ते ११ जुलै १९८५ पर्यंत जवळपास सात वर्षापर्यंत होता.
- वडिलांच्या निवृत्तीनंतर ३७ वर्षांनी त्यांचा मुलगा न्यायमूर्ती डीवाय चंद्रचूड हे सरन्यायाधीश होणार आहेत.
- सर्वोच्च न्यायालयाच्या इतिहासातील हे पहिले उदाहरण आहे की, वडिलांनंतर मुलगाही सरन्यायाधीश होईल.
- न्यायमूर्ती चंद्रचूड १० नोव्हेंबर २०२४ रोजी निवृत्त होणार आहेत. म्हणजेच ते दोन वर्षे देशाचे सरन्यायाधीश असतील.
- २०१६ मध्ये त्यांची सर्वोच्च न्यायालयाचे न्यायाधीश म्हणून नियुक्ती करण्यात आली होती.
सरन्यायाधीश लळीत यांचा कार्यकाळ ८ नोव्हेंबर २०२२ रोजी संपत आहे. ते केवळ ७४ दिवस या पदावर राहणार आहेत. सरन्यायाधीश एन.व्ही रमणा यांचा कार्यकाळ पूर्ण झाल्यानंतर २६ ऑगस्ट २०२२ रोजी न्यायमूर्ती ललित यांची देशाचे ४९ वे सरन्यायाधीश म्हणून नियुक्ती करण्यात आली. केंद्र सरकारने ७ ऑक्टोबर रोजी सरन्यायाधीश लळीत यांना पत्र लिहून त्यांच्या उत्तराधिकारीची शिफारस करण्याची विनंती केली होती.न्यायमूर्ती चंद्रचूड ९ नोव्हेंबर २०२२ रोजी पदभार स्वीकारतील. ज्येष्ठता यादीनुसार, न्यायमूर्ती चंद्रचूड हे सध्याचे मुख्य न्यायाधीश ललित यांच्यानंतर सर्वात ज्येष्ठ आहेत, म्हणून त्यांच्या नावाची शिफारस अधिवेशनानुसार करण्यात आली.
सरन्यायाधीश यू यू लळीत यांनी आज सकाळी १०.१५ वाजता सर्वोच्च न्यायालयाच्या सर्व न्यायाधीशांना जजेस लाउंजमध्ये आमंत्रित केले आणि न्यायमूर्ती चंद्रचूड यांच्या उत्तराधिकारी म्हणून शिफारस केल्याबद्दल माहिती दिली. सरकारला पाठवलेल्या पत्राची प्रत त्यांनी न्यायमूर्ती चंद्रचूड यांच्याकडे सुपूर्द केली.
Subscribe
