मुक्तपीठ टीम
अभिनेता हृतिक रोशन आणि कंगना रणौत यांच्यातील इमेल वाद प्रकरणात मुंबई पोलिसांच्या गुन्हेगारी गुप्तवार्ता पथकाने (सीआययू) शनिवारी पुन्हा एकदा हृतिकचा जबाब नोंदवला. एका अधिकाऱ्याने दिलेल्या माहितीनुसार, हृतिक रोशन सकाळी साडेबारा ते बारा या दरम्यान दक्षिण मुंबईतील पोलिस आयुक्तालयाच्या कार्यालयात पोहोचला. अडीच तासानंतर तो निघून गेला. त्याने एक मास्क आणि काळी टोपी घातली होती.
दरम्यान , याच प्रकरणावरून अभिनेता हृतिक रोशनला मुंबई पोलिसांनी जबाब नोंदवण्यासाठी गुन्हेगारी गुप्तवार्ता पथकासमोर ( सीआययू ) हजर राहण्याचे समन्स बजावले होते. यानुसार हृतिकआयुक्तालयाच्या कार्यालयात दाखल झाला आहे.
हृतिकने दावा केला होता की कोणीतरी बनावट आयडीसह त्याच्या नावावर कंगनाला मेल पाठवत आहे. मात्र, तो मेल आयडी हृतिककडून येत असल्याचा दावा कंगनाने केला. हे ई-मेल २०१३-१४ मध्ये पाठविण्यात आले होते. त्याचवेळी हृतिकच्या वकिलाने असा दावा केला होता की कंगनाने हृतिकच्या मूळ आयडीवर २४ मे २०१४ नंतर हे ईमेल पाठवले होते.असा विश्वास आहे की हृतिकचे निवेदन नोंदवल्यानंतर गुन्हे शाखा कंगनाचे विधानही नोंदवू शकते. हे प्रकरण गेल्या वर्षी गुन्हे शाखेच्या गुन्हे अन्वेषण युनिटकडे वर्ग करण्यात आले होते.
वाद का सुरू झाला?
- खरं तर एका मुलाखती दरम्यान कंगनाला विचारलं होतं की हृतिकने तिला ‘आशिकी ३’ मधून बाहेर काढलं.
- बातमीनुसार या चित्रपटात हृतिक आणि कंगनाला घेण्याची चर्चा होती. पण तसे झाले नाही.
- त्याला उत्तर म्हणून कंगना म्हणाली होती की प्रसिद्धी मिळविण्यासाठी काही सिली एक्स पार्टनर असे कृत्य का करतात.
- त्याचवेळी हृतिकने ट्वीट करून म्हटले होते की पोपशी प्रेमसंबंध असण्यापेक्षा अभिनेत्रीपेक्षा त्याचे पोपशी अफेअर असण्याचे जास्त शक्यता आहेत. यानंतर हा वाद सुरू झाला आणि हृतिकने कंगनाला तिच्या वक्तव्याबद्दल नोटीस पाठविली.
Subscribe
