शिंदे-फडणवीस मंत्रिमंडळाचा विस्तार, दोघांचे मंत्रिमंडळ आता वीसजणांचे झाले!

मुक्तपीठ टीम

राज्य मंत्रिमंडळाचा आज विस्तार करण्यात आला. राज्यपाल भगत सिंह कोश्यारी यांनी १८ नवनियुक्त मंत्र्यांना पद व गोपनीयतेची शपथ दिली. त्यामुळे दोघांचे मंत्रिमंडळ अशी टीका होणारे शिंदे-फडणवीस मंत्रिमंडळ आता २० मंत्र्यांचे झाले आहे. राजभवनातील दरबार हॉल येथे शपथविधी समारंभ आयोजित करण्यात आला होता. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस उपस्थित होते.

महाराष्ट्राचे नवे मंत्री कोण?

भाजपा

१. राधाकृष्ण विखे-पाटील
२. सुधीर मुनगंटीवार
३. चंद्रकांत पाटील
४. डॉ.विजयकुमार गावित
५. गिरीष महाजन
६. सुरेश खाडे
७. रवींद्र चव्हाण
८. अतुल सावे
९. मंगलप्रभात लोढा

एकनाथ शिंदे गट

१. गुलाबराव पाटील
२. दादाजी भुसे
३. संजय राठोड
४. संदीपान भुमरे
५. उदय सामंत
६. प्रा.तानाजी सावंत
७. अब्दुल सत्तार
८. दीपक केसरकर
९. शंभूराज देसाई

या समारंभास विधानसभा अध्यक्ष ॲड. राहुल नार्वेकर, केंद्रीय सामाजिक न्याय राज्यमंत्री रामदास आठवले, केंद्रीय रेल्वे राज्यमंत्री रावसाहेब दानवे, केंद्रीय अर्थ राज्यमंत्री भागवत कराड, केंद्रीय पंचायत राज राज्यमंत्री कपिल पाटील, विधानसभा विरोधी पक्षनेते अजित पवार, राज्याचे मुख्य सचिव मनुकुमार श्रीवास्तव, प्रधान सचिव तथा मुख्य राजशिष्टाचार अधिकारी मनिषा म्हैसकर उपस्थित होते. या सोहळ्याला नवनियुक्त मंत्र्यांचे कुटुंबीय, लोकप्रतिनिधी, वरिष्ठ अधिकारी आदीही उपस्थित होते.

राष्ट्रगीताने शपथविधी सोहळ्याची सुरुवात आणि सांगता झाली.