‘थ्री इडियट्स’च्या नायकाने बनवला जवानांसाठी बर्फातील खास तंबू

मुक्तपीठ टीम

देशाच्या बर्फाळ प्रदेशातल्या डोंगराळ भागात २४ तास पहारा देत असणाऱ्या सैनिकांसाठी एक चांगली बातमी आहे. लडाख येथील समाजसेवक, शिक्षक सोनम वांगचुक यांनी सैनिकांसाठी एका सौरतंबूची निर्मिती केली आहे. ज्याचे तापमान नेहमीच १५ ते २० डिग्री सेल्सियस राहील.

कसा आहे रँचोचा सोलर तंबू?

• हा तंबू सौरऊर्जेवर चालणारा असून यात एका वेळी १० जवान विश्रांती घेऊ शकतात.
• या तंबूचा प्रत्येक भाग वेगळा करून तो दुसऱ्या ठिकाणी अत्यंत सहज नेता येऊ शकतो.
• या तंबूचं वजन ३० किलोहून कमी आहे.
• केरोसिन किंवा तेलाने होणाऱ्या वायुप्रदूषणावर हा एक पर्याय वांगचुक यांनी उपलब्ध करून दिला आहे.
• बाहेर तापमान उणे २० असले तरी तंबूतील तापमान नेहमीच १५ ते २० डिग्री सेल्सियस राहील.
• या तंबूचं अजून एक वैशिष्ट्य म्हणजे हा तंबू संपूर्ण देशी बनावटीचा असून तो लडाख येथेच तयार करण्यात आला आहे.

SOLAR HEATED MILITARY TENT
for #indianarmy at #galwanvalley
+15 C at 10pm now.
Min outside last night was -14 C,
Replaces tons of kerosesne, pollution #climatechange
For 10 jawans, fully portable all parts weigh less than 30 Kgs. #MadeInIndia #MadeInLadakh #CarbonNeutral pic.twitter.com/iaGGIG5LG3

— Sonam Wangchuk (@Wangchuk66) February 19, 2021

सोनम वांगचुक यांनी सांगितले की कडाक्याच्या थंडीमुळे लडाखमध्ये चोवीस तास मुक्काम करणे कठीण आहे. त्यामुळे बर्फाळ प्रदेशात असलेल्या सैनिकांना तिथल्या प्रतिकूल हवामानाशी जुळवून घेणं हे एक मोठं आव्हान असते. शरीरात ऊब राहण्यासाठी उष्णता मिळवण्यासाठी जवान तेल, केरोसिन अशा पदार्थांचा वापर करतात. पण ते त्याच्यासाठी हानिकारक आहे. आता त्यांच्या शरीराचं तापमान नियंत्रित राहावं यासाठी उपयुक्त असा एक खास तंबू वांगचुक यांनी विकसित केला आहे.

‘थ्री इडियट्स’चे खरे नायक

• सोनम वांगचूक यांनी आपलं जीवन लडाखमधील स्थानिकांचं जीवन उत्थान, तंत्रज्ञानाधारित विकासासाठी वाहिलं आहे.
• आमिर खानने सोनम वांगचुक यांच्या जीवनावर ‘थ्री इडियट्स’ हा सुपरहिट चित्रपट बनवला होता.
• या चित्रपटात आमिर खानने सोनम वांगचुकची भूमिका साकारली होती.
• चित्रपटात सोनल वांगचूक यांच्यावर बेतलेल्या व्यक्तिरेखेचे नाव रँचो आहे.

पाहा व्हिडीओ: