लष्कराच्या TGC टेक्निकल ग्रॅज्युएशन कोर्ससाठी अर्ज करण्याची ९ जूनला अखेरचा दिवस!

मुक्तपीठ टीम

भारतीय लष्करात टेक्निकल ग्रॅज्युएशन कोर्स करू इच्छिणाऱ्या उमेदवारांसाठी महत्त्वाची सूचना आहे. जानेवारी २०२३ मध्ये सुरू होणाऱ्या टेक्निकल ग्रॅज्युएशन कोर्ससाठी म्हणजेच टीजीसी-१३६ साठी भारतीय लष्कराने एक सूचना जाहिर केली आहे. भारतीय लष्कराने जारी केलेल्या सूचनेनुसार, टेक्निकल ग्रॅज्युएशन कोर्स-१३६ साठी ऑनलाइन अर्ज करण्याची प्रक्रिया ११ मे २०२२ पासून सुरू झाली आहे आणि अर्ज करण्याची शेवटची तारीख ९ जून २०२२ आहे. पात्र आणि इच्छुक उमेदवार या तारखेपर्यंत त्यांचे अर्ज सबमिट करू शकतील. ऑनलाइन अर्ज करण्यासाठी उमेदवारांना भारतीय लष्कराच्या joinindianarmy.nic.in. या अधिकृत वेबसाइटला भेट द्यावी लागेल.

टेक्निकल ग्रॅज्युएशन कोर्ससाठी आवश्यक पात्रता

• भारतीय लष्कराच्या टेक्निकल ग्रॅज्युएशन कोर्ससाठी प्रवेश घेऊ इच्छिणाऱ्या उमेदवारांनी मान्यताप्राप्त विद्यापीठ किंवा इतर कोणत्याही उच्च शिक्षण संस्थेतून अभियांत्रिकी पदवी उत्तीर्ण केलेली असावी.
• पात्रता परीक्षेचे अंतिम वर्षाचे विद्यार्थी देखील अर्ज करू शकतात, परंतु अशा उमेदवारांना अभ्यासक्रम सुरू झाल्याच्या तारखेपर्यंत त्यांचे उत्तीर्ण प्रमाणपत्र सादर करावे लागेल.
• लष्कराच्या टीजीसी-१३६ साठी दिलेल्या पात्रतेच्या अधिक तपशीलांसाठी, सैन्याने जारी केलेली अधिसूचना पहा.

वयोमर्यादा

या पदांसाठी अर्ज करणाऱ्या उमेदवारांचे वय २० वर्षांपेक्षा कमी आणि २७ वर्षांपेक्षा जास्त नसावे,

टीजीसी भरतीसाठी निवड प्रक्रिया

• भारतीय लष्कराच्या आर्मी बॅचलर ऑफ टेक्निकल कोर्सेसच्या प्रवेशासाठी अर्ज छाननी, मुलाखत, एसएसबी आणि मेडिकलच्या आधारे उमेदवारांची निवड केली जाईल.
• उमेदवारांच्या अर्जांच्या छाननीच्या आधारे, उमेदवारांना विहित कट-ऑफनुसार शॉर्टलिस्ट केले जाईल.
• त्यानंतर उमेदवारांना मुलाखतीसाठी बोलावले जाईल.
•  त्यानंतर उमेदवारांना सर्व्हिसेस सिलेक्शन बोर्ड दोन-टप्प्यासाठी बोलावले जाईल आणि शेवटी वैद्यकीय तपासणी केली जाईल.