मुक्तपीठ टीम
बॉलिवूडचा भाईजान सलमान खानचे चाहते संपूर्ण जगात असतील, पण त्याचं लग्न मात्र होताना दिसत नाही. तसंच त्याने कितीही प्रयत्न केले तरी त्याला काही घोडे मालक दाद देताना दिसत नाहीत. भले मग सलमान एक कोटी – दोन कोटी किंमत मोजण्यास तयार का असेना! नुकताच त्याला पंजाबमधील ‘परमवीर’ या घोड्याच्या मालकाने नकार दिला, तर याआधी त्याला सुरतच्या एका घोडेमालकाने सलमानने दोन कोटीची ऑफर देऊनही नकार दिला होता. त्यामुळे घोडेमालक सलमानला का नकार देतात, अशी चर्चा रंगली आहे.
सलमानला ‘परमवीर’ हा घोडा प्रचंड आवडला होता. त्याने हा घोडा विकत घेण्याचे ठरवले. ‘परमवीर’ची किंमत १ कोटींच्या घरात आहे. ही किंमत देण्यास सलमान तयार होत पण घोड्याच्या मालकाने ‘परमवीर’ला विकण्यास नकार दिला आहे.
फरीदकोट येथे ‘हॉर्स ब्रीडर्स’ स्पर्धा आयोजित करण्यात आली होती. या स्पर्धेला सलमानने देखील हजेरी लावली होती. तेव्हा सलमानच्या टीमने ‘परमवीर’ला पाहिले. त्यांना तो पाहता क्षणीच आवडला. सलमानच्या टीमने त्याच्या मालकाशी संपर्क साधला आणि परमीवरला विकत घेण्याची इच्छा व्यक्त केली. पण ‘परमवीर’च्या मालकाने सलमानला नकार दिला.
२०१८मध्येही २ कोटींची ऑफर नाकारली!
यापूर्वी २०१८ मध्ये देखील सलमानला असाच एक घोडा आवडला होता. पण सलमानने दोन कोटी रुपये किंमत मोजण्याची तयारी दाखवूनही घोड्याच्या मालकाने तो विकण्यास नकार दिला. तो घोडा सुरत जवळील ओलपाड येथे राहणाऱ्या सिराज खान यांचा होता.
‘परमवीर’ घोड्याबद्दल
• ‘परमवीर’ हा राजबिंडा लक्ष वेधून घेणारा घोडा आहे.
• ‘परमवीर’चा दिवसाचा खर्च १८०० ते २ हजार रुपये आहे.
• गेल्या वर्षी देखील ‘परमवीर’ने सर्वांचे लक्ष वेधून घेतले होते.
• यावर्षी सलमान खानच्या टीमला आणि सलमानलाही तो भावला
• त्यामुळे सलमानने एक कोटी रुपयांची ऑफर दिली
• मात्र घोडेमालकाने सपशेल नकार दिला
• सलमान ‘परमवीर’ला विकत घेण्यास अपयशी ठरला आहे.
Subscribe
