मुक्तपीठ
मुंबईत कोरोनाचा संसर्ग वाढत असताना त्यास रोखण्यासाठी नव्याने निर्बंध लागू होण्याची शक्यता आहे. शहरात अनेक लोकांनी काळजी न घेतल्याने, मास्क न लावल्यानेमुळे लोकांना दंड ठोठावण्यासाठी मुंबई मनपाने पुन्हा एकदा मोहीम तीव्र केली आहे. मनपाच्या आकडेवारीनुसार, आतापर्यंत महापालिकेने दिवसाला सुमारे १३,००० लोकांकडून दंड वसूल केला असून २५ लाखांहून अधिक दंड वसूल झाला आहे. मास्क न घातल्यामुळे पालिकेने आतापर्यंत १ लाखांहून अधिक जणांना पकडले आहे. मार्च २०२० पासून आतापर्यंत महापालिकेने ३०.५ कोटी रुपये दंड वसूल केला आहे.
नोव्हेंबरमध्ये नागरिकांमध्ये कोरोना योग्य वर्तनास प्रोत्साहित करण्यासाठी पालिकेने जाहीर केले होते की, नागरिकांनी सार्वजनिक ठिकाणी मास्क न लावलेल्या लोकांना ‘मोफत’ मास्क दिले जात होते आणि त्यांच्याकडून २०० रुपये दंड वसूल केला जात होता.
३१ डिसेंबरच्या संध्याकाळी, मनपाने सार्वजनिक ठिकाणी मास्क न घातलेल्या ३,००० लोकांना पकडले आणि त्यांच्याकडून दंड म्हणून सुमारे २७ लाख रुपये वसूल केले. त्यानंतर, १ जानेवारी रोजी मास्क न घातलेल्या १,१२,८८२ लोकांना पकडले आणि त्यांच्याकडून एकूण २५.६ लाख रुपये दंड ठोठावण्यात आला. १५ फेब्रुवारीपर्यंत एकूण १५,१६,३९८ लोकांवर मास्क न घातल्यामुळे दंड ठोठावण्यात आला असून एकूण ३०.६९ कोटी रुपये दंड जमा झाला आहे.
अधिकाऱ्यांनी दिलेल्या माहितीनुसार, ज्या लोकांनी दंड भरण्यास नकार दिला अशांना रस्ता स्वच्छ करण्यासारखे सामाजिक कार्य करण्यास सांगितले.
Subscribe
