मुक्तपीठ टीम
संघाचे प्रमुख मोहन भागवत यांनी मंगळवारी फिल्मस्टार मिथुन चक्रवर्ती यांच्या मुंबई येथे त्यांच्या घरी जाऊन भेट घेतली. बंगालमध्ये काही महिन्यांनंतर विधानसभा निवडणुका होणार आहेत, त्यामुळे या सभेला राजकीय शक्यता तीव्र झाली आहे. मिथुन यांना २०१४ मध्ये तृणमूल कॉंग्रेसने राज्यसभेचे खासदार केले होते. परंतु, त्या नंतर तब्येत बिघडल्यामुळे अभिनेत्याने २०१६ मध्ये राजीनामा दिला होता.
एका अहवालानुसार, मिथुन चक्रवर्ती ऑक्टोबर २०१९ मध्ये नागपूरला गेले होते. त्यांच दरम्यान, त्यांनी संघ प्रमुख मोहन भागवत यांची भेट घेतली होती आणि त्यांना घरी येण्याचे आमंत्रण दिले होते. त्या काळात मिथुन हे भाजपमध्ये येण्याची शक्यता होती.
मिथुन यांना भाजप तिकिट देण्याची शक्यता
राजकीय तज्ञांच्या मते, अभिनेता म्हणून मिथुन चक्रवती बंगालमध्ये खूप लोकप्रिय आहे. याच संधीचा फायदा घेत भाजप त्यांना उमेदवार बनवू शकतात. ते कदाचित भाजपचे स्टार प्रचारकही असतील असेही बोलले जात आहे.
शूटिंग दरम्यान तब्येत बिघडली
मिथुन त्यावेळी त्याच्या चित्रपटाच्या आणि वेब सिरीजच्या शूटिंगमध्ये व्यस्त होते. काही दिवसांपूर्वी शूटिंगच्या दरम्यान मसूरी मध्ये त्यांची तब्येत खराब झाली होती, त्यानंतर त्यांना रुग्णालयात दाखल करावे लागले होते. अलिकडेच ते फ्लोरा सैनी, मानव कौल, मकरंद देशपांडे आणि कृष्णा गौतम यांच्यासमवेत राम गोपाल वर्मा दिग्दर्शित ’12 O’ Clock हिंदी चित्रपटात दिसले. विवेक अग्निहोत्री यांच्या लेखन आणि दिग्दर्शित ‘द काश्मीर फाइल्स’ या चित्रपटामध्ये मिथुन, पल्लवी जोशी, अनुपम खेर आणि पुनीत इस्सार यांच्यासोबतही दिसणार आहे.
Subscribe
