मुक्तपीठ टीम
महिंद्रा अँड महिंद्राच्या क्लासिक लीजेंडच्या येझदी ब्रँडच्या बाइक्सचा आनंद आता लडाखमध्येही घेणं शक्य आहे. लडाखमध्ये लोक रॉयल एनफिल्ड बाईकला प्राधान्य देत आलेत. आतापर्यंत लेह लडाखमध्ये फक्त रॉयल एनफिल्ड बाइक्स भाड्याने मिळत होत्या. पण आता क्लासिक लीजेंड्सने लेह-लडाखमध्ये येझदीने मोटरसायकल भाड्याने देण्याची योजना आखली आहे.
क्लासिक लिजंडच्या या निर्णयामुळे आता या भागात रॉयल एनफिल्डच्या बाईकला टक्कर देणाऱ्या येझदी बाइक्सही लडाखमध्येही उपलब्ध होणार आहेत. येझदी रोडस्टर, स्क्रॅम्बलर आणि अॅडव्हेंचरचे तिन्ही मॉडेल्स भाड्याने उपलब्ध असतील.
क्लासिक लीजेंड्सने लेहमध्ये येझदी मोटरसायकलसाठी पूर्णवेळ सेवा केंद्राचे उद्घाटन केले आहे. त्यामुळे रॉयल एनफिल्डच्या अडचणी वाढणार आहेत, कारण आता लडाखमध्ये येझदी बाइक्सच्या प्रवेशानंतर रॉयल एनफिल्ड बाइक्सला स्पर्धा होईल. क्लासिक लीजेंडने दिलेल्या माहितीनुसार, कंपनी आता टूर आणि रेंटल ऑपरेटर्ससोबत सक्रियपणे भागीदारी करत आहेत. या मजबूत भागीदारीसाठी, कंपनी डिलिव्हरी ऑपरेटरना आपल्या ग्रँड जावा आणि येझदी या दोन बाइक्स पुरवत आहे. महिंद्राच्या मालकीची कंपनी क्लासिक लीजेंड जावा आणि येझदी ब्रँडच्या अनेक पॅावरफूल ऑफ-रोड बाईक बनवते, ज्या रॉयल एनफिल्डच्या हिमालयन आणि स्‍क्रम 411 मॉडेलला टक्कर देतात.
Subscribe
