राहुल गांधी मैत्रिणीच्या लग्नासाठी नेपाळमध्ये! भाजपाची नाइटक्लब पार्टीवर टीका, काँग्रेसचं प्रत्युत्तर!!

मुक्तपीठ टीम

पत्रकार मैत्रिणीच्या लग्नासाठी नेपाळला गेलेले काँग्रेस नेते राहुल गांधी यांचा नाईट क्लबमधील व्हिडिओ व्हायरल झाला आहे. हा व्हिडीओ एका भाजप नेत्यांकडून व्हायरल करण्यात आला आहे. यामध्ये ते एका नाईट क्लबमध्ये पार्टी करताना दिसत आहे. या व्हिडिओवरून भाजपाने राहुल गांधीवर टीका केली आहे. तर काँग्रेसने भाजपाला प्रत्युत्तर देत प्रतिप्रश्न करण्यात आला आहे.

राहुल गांधी हे आपल्या नेपाळमधील मैत्रिणीच्या लग्नात सहभागी होण्यासाठी काठमांडूला आले आहेत. काही दिवसांपूर्वीच राहुल गांधी नेपाळमध्ये दाखल झाले आहेत.राहुल गांधी यांची मैत्रिण सुमनिमा उदास ही एका आंतरराष्ट्रीय वृ्त्तसंस्थेत पत्रकार म्हणून कार्यरत होती. सुमानिमाच्या वडिलांनी नेपाळचे राजदूत म्हणून म्यानमारमध्ये जबाबदारी पार पाडली. राहुल गांधी यांच्यासह भारतातील इतर महत्त्वाच्या व्यक्ती या विवाह सोहळ्यात आहेत. सोशल मीडियावर व्हायरल होत असलेल्या व्हिडिओमध्ये राहुल गांधी एका नाईट क्लबमध्ये काही लोकांसोबत पार्टी करत आहे. राहुलच्या आजूबाजूला उपस्थित असलेले लोक मद्यपानही करत आहेत.

काँग्रेसकडून भाजपाला उपरोधिक प्रश्न…तुम्हीच सांगा!

• काँग्रेसकडून यावर स्पष्टीकरण देण्यात आले आहे.
• काँग्रेस ज्येष्ठ नेते रणदीप सुरजेवाला म्हणाले, राहुल गांधी आपल्या मैणित्रणीच्या लग्नासाठी नेपाळ या मैत्रीपूर्ण देशात गेले आहेत.
• कुटुंब आणि मित्रांसोबत लग्न समारंभाला उपस्थित राहणे ही आपल्या संस्कृतीनुसार आहे. मात्र, तुम्हीच आम्हाला सांगा जेणेकरून आम्ही आमच्या मित्रांच्या आणि कुटुंबातील सदस्यांच्या विवाहसोहळ्याला उपस्थित राहण्याच्या आमची पद्धत बदलू शकू.