“पंतप्रधानांच्या निवासासमोर हनुमान चालिसा आणि कुराण पठण करु द्या!” राष्ट्रवादीच्या महिला नेत्याची मागणी

मुक्तपीठ टीम

महाराष्ट्राचे मुख्यमंत्री उद्धव ठाकरे यांच्या मातोश्री बंगल्याबाहेर हनुमान चालीसाचे पठण करण्याचा राणांच्या अयशस्वी प्रयत्नानंतर आता राष्ट्रवादी काँग्रेसच्या महिला पदाधिकारी फहमिदा खान यांनी गृहमंत्री अमित शहा यांना पत्र लिहिले आहे. आपल्या पत्रात त्यांनी पंतप्रधानांच्या घरासमोर हनुमान चालिसा आणि नमाज पठणाची मुभा द्या’ अशी मागणी केली आहे.

काय म्हणाल्या फहमिदा खान?

• राष्ट्रवादी काँग्रेसच्या उत्तर मुंबई प्रदेशाच्या कार्याध्यक्षा फहमिदा हसन खान यांनी गृहमंत्री अमित शाहा यांना पत्र लिहिले आहे.
• या पत्रात त्यांनी गृहमंत्र्यांकडे पंतप्रधान नरेंद्र मोदी यांच्या घरासमोर नवी दिल्लीत नमाज, हनुमान चालिसा, दुर्गा चालिसा, नवकार मंत्र, गुरु ग्रंथ आणि नोविनो यांचे पठण करण्याची परवानगी देण्यात यावी.
• यासाठीचा दिवस आणि वेळ देखील आपण सुचवावा.
• फहमिदा हसन घरोघरी हनुमान चालीसाचे पठण करून दुर्गेची पूजा करतात, असा दावा त्यांनी केला, तरी देशातील वाढती महागाई आणि बेरोजगारीबाबत पंतप्रधान नरेंद्र मोदी यांना जागे करणे गरजेचे झाले आहे.
• यासोबतच त्यांनी पत्रात लिहिले आहे की, कृपया मला वेळ आणि दिवसाची माहिती द्या.

देशाच्या हितासाठी हनुमान चालिसाचे पठण करायचेय फहमिदा म्हणाल्या की, जर रवी राणा आणि नवनीत राणा यांना महाराष्ट्राचे मुख्यमंत्री उद्धव ठाकरे यांच्या मातोश्रीबाहेर हनुमान चालीसा वाचण्याचा फायदा दिसत असेल तर ते देशाच्या हितासाठी दिल्लीला जाऊन पंतप्रधानांची भेट घेतील. पंतप्रधान नरेंद्र मोदी यांना घराबाहेर नमाज, हनुमान चालीसा आणि दुर्गा पठण करायचे आहे.