पुन्हा तेच! मुख्यमंत्री उद्धव ठाकरेंविरोधात पोस्ट, शिवसैनिकांकडून मारहाण!

मुक्तपीठ टीम

राज्याचे मुख्यमंत्री आणि शिवसेनेचे पक्षप्रमुख उद्धव ठाकरे यांच्याविरोधात आक्षेपार्ह पोस्ट केल्याने जळगावातील एका व्यक्तीला चांगलेच महागात पडले आहे. मुख्यमंत्र्यांबाबत आक्षेपार्ह पोस्ट केल्याने संतप्त झालेले शिवसैनिकांनी भर चौकात या व्यक्तीला चोप दिला आहे. हेमंत दुधिया असे आक्षेपार्ह पोस्ट करणाऱ्या युवकाचे नाव आहे. जळगावातील धरणगाव शहरात खान्देश सेंट्रल मॉल परिसरात ही घटना घडली आहे. या संपूर्ण घटनेचा व्हिडीओ सोशल मीडियावर व्हायरल होत आहे. जळगाव जिल्ह्यामध्ये मागील काही दिवसांमधील अशी ही दुसरी घटना आहे.

नेमकं प्रकरण काय?

धरणगाव येथील हेमंत द्वितीये यांनी सोशल मीडियावरील जळगाव शहरातील एका ग्रुपवर मुख्यमंत्री उद्धव ठाकरे यांच्याबद्दल आक्षेपार्ह पोस्ट टाकली.
या पोस्टमुळे शिवसैनिकांमध्ये संतापाची लाट पसरली.
ही पोस्ट सोशल मीडियावर टाकल्यानंतर हेमंत द्वितीये शहरातील आयनॉक्स चित्रपटगृहामध्ये ‘द कश्मीर फाइल्स’ चित्रपट पाहण्यासाठी आले होते.
ते चित्रपट पाहून चित्रपटगृहाबाहेर आले तेव्हा शिवसैनिकांनी त्यांच्यावर पाळत ठेवत चित्रपटगृहासमोर त्यांना बेदम मारहाण केली.
हेमंत द्वितीये यांच्याकडून शिवसैनिकांनी या पोस्टसंदर्भात माफी मागून घेतली.
माझ्याकडून चुकीची पोस्ट टाकली गेली.
त्याबद्दल मी माफी मागतो असं म्हणत हेमंत यांनी माफी मागितल्यानंतर त्यांना शिवसैनिकांनी सोडून दिलं.
यावेळी हेमंत यांच्यासोबत असणाऱ्या महिलेने, त्यांच्याकडून चूक झालीय.
पण यापुढे जेव्हा जेव्हा मला सोशल मीडियावर उद्धव ठाकरेंविरोधात अशी पोस्ट दिसेल तेव्हा मी त्या व्यक्तीचं नाव शिवसेना शाखेत आणून देईल, त्यावर तुम्ही काय करता बघू, असं शिवसैनिकांना सांगितलं.

;

जळगावातील मागील काही दिवसांमधील ही दुसरी घटना!

जळगाव जिल्ह्यामध्ये मागील काही दिवसांमधील ही अशी दुसरी घटना आहे.
ज्या ज्या वेळेला मुख्यमंत्रीसाहेबांबद्दल अशी पोस्ट टाकेल त्याला असाच चौकामध्ये चोप दिला जाईल.
अशी कोणतीही पोस्ट शिवसेनेच्याबद्दल आणि मुख्यमंत्रीसाहेबांबद्दल कोणी टाकू नये, हे याद राखावं,” असं यावेळी बोलताना शिवसेना जिल्हा सहसंपर्क प्रमुख गुलाबराव वाघ यांनी सांगितलं.
हेमंत यांच्याविरोधात आंदोलन करत त्यांना मारहाण करण्यासाठी जमा झालेल्या शिवसैनिकांबरोबरच या ठिकाणी शिवसेना जिल्हाप्रमख विष्णू भंगाळे, महानगराध्यक्ष शरद तायडे, महिला जिल्हाध्यक्षा शोभा चौधरी, सरीता माळी-कोल्हे यांच्यासह शिवसैनिक मोठ्या संख्येने उपस्थित होते.