बदलापूर ते पंढरपूर…शिवसेना विरुद्ध भाजप संघर्ष पेटला!

मुक्तपीठ टीम

पक्के मित्र, पक्के वैरीही होतात…सध्या महाराष्ट्राच्या राजकारणात तसेच घडताना दिसत आहे. राज्यभरात अनेक ठिकाणी शिवसेना आणि भाजप या दोन पूर्वीच्या मित्रांमध्ये संघर्ष पेटत आहे. जुन्या दोस्तांच्या नव्या दुष्मनीमुळे स्थानिक राजकारणात रक्तचरित्रम् अध्याय सुरु झाला आहे. बदलापुरात ग्रामपंचायत निवडणुकीचा वचपा काढण्यासाठी शिवसैनिकांनी भाजप कार्यकर्त्यांवर हल्ला केल्याचा आरोप भाजप नेते किरीट सोमैया यांनी केला आहे. पंढरपुरात मुख्यमंत्र्यांवर टीका केल्यामुळे संतापलेल्या शिवसैनिकांनी भाजपच्या माजी शहराध्यक्षाला काळे फासल्याची घटना घडली आहे. त्याप्रकरणीही भाजपने आक्रमक भूमिका घेत शिवसेनेवर गुंडगिरीचा आरोप केला आहे.

पंढरपूरमध्ये शिवसैनिकांनी भाजपाच्या एका माजी शहराध्यक्षाच्या तोंडाला काळे फासून मारहाण केल्याचा प्रकार समोर आला आहे. या घटनेचा व्हिडीओ सध्या सोशल मीडियावर व्हायरल होत आहे. प्रशांत जगताप नावाच्या शिवसेना कार्यकर्त्यांने हा व्हिडीओ आपल्या ट्विटर अकाउंटवर शेअर केला आहे. भाजपचे नेते किरीट सोमैया यांनी शिवसेना आता गुंडगिरीच्या मार्गाने दहशत पसरवत असल्याचा आरोप केला आहे. त्यासाठी त्यांनी शिवसैनिकांना याआधी हल्ला केलेल्या भाजप कार्यकर्त्यांसह राज्यपालांचीही भेट घेतली. आणि आता पंढरपुरातील हल्लेखोर शिवसैनिकांविरोधात व्हिडीओ पुरावा असल्यानं कडक कारवाईची मागणी केली आहे. भाजपचे आमदार राम कदम यांनीही कारवाई झाली नाही तर रस्त्यावर उतरण्याचा इशारा दिला आहे.

शिरीष कटेकर या भाजपा च्या दलालाने महाराष्ट्राचे मुख्यमंत्री मा. उद्धवसाहेब ठाकरे यांच्यावर केलेली खालच्या पातळीवरील टिका केली शिवसेना पंढरपुर शहर च्या पदाधिकाऱ्यानी त्याला साडी, बांगड्याचा हार आणि बुक्का लावून काळे फासले व शिवसेना स्टाईल ने चोप देण्यात आला..🔥💪
औकातीत रहा..😏 pic.twitter.com/uXjRFIOX8a

— Prashant Jagtap 🇮🇳🚩🏹 (@IMJagtapPK_9) February 6, 2021

शिवसैनिकांनी कटेकर यांना भर रस्त्यात तोंडाला काळे फासून विठ्ठल मंदिर परिसरात धिंड काढली. तसेच कटेकर यांना मारहाण केली. पंढरपूर शहराचे माजी भाजप अध्यक्ष शिरीष कटेकर यांनी राज्याचे मुख्यमंत्री उद्धव ठाकरे यांच्यावर खालच्या पातळीवर टीका केली होती, त्यांच्या वक्तव्याचा जाहीर निषेध करण्यासाठी, आम्ही त्यांना दणका दिल्याचा शिवसैनिकांचा दावा आहे. हा प्रकार घडत असताना तेथे पोलीस उपस्थित होते, हा सर्व प्रकार व्हिडीओमध्ये दिसत आहे.

भाजपाचे नेते किरीट सोमैया सातत्याने शिवसेनेविरोधात आक्रमक भूमिका घेत आहेत. त्यांनी पंढरपूर ला शिवसेनेच्या गुंडांनी भाजपा चा कार्यकर्त्याची मारहाण केली, शिवसेनेच्या त्या ९ गुंडांना ताबडतोब अटक करावी अशी मागणी केली आहे. हल्ला झालेल्या भाजप कार्यकर्त्याने त्यांना कळवलेली माहितीही त्यांनी पोस्ट केली आहे: “किरीटजी, मी शिरीष वल्लभ कटेकर पंढरपूर. काल दिनांक सहा रोजी संध्याकाळ वेळ ६.वाजता, माझ्यावर शिवसेना शहर प्रमुख रवि मुळे व सत्तर ते ऐंशी शिवसैनिकानी लोकांनी येवून माझ्यावर काळे आॅईल द्रव पदार्थ ७/८ बाटल्या ओतल्या, मारहाण केली, काही जण कुकरीने मारुन ह्याला खलास करू म्हणत होते.”

At last Police agreed to register FIR against Shivsena’s Gundas who assaulted/beaten BJP Pandharpur Leader Shirish Katekar. We want all 9 of them be arrested immediately. It’s shocking CMO, Maharashtra Hone Minister Anil Deshmukh silent on this Gundaism @BJP4Maharashtra pic.twitter.com/apTeVRgIHB

— Kirit Somaiya (@KiritSomaiya) February 7, 2021

याआधीही बदलापुरात ढोका दापिवली ग्रामपंचायत निवडणुकीतील पराभवाचा वचपा काढण्यासाठी भाजपाच्या विजेत्या सदस्यांवर हल्ला झाला. ते हल्लेखोरही शिवसेनेचे होते असा सोमैयांचा आरोप आहे. त्या कार्यकर्त्यांसह त्यांनी राज्यपाल कोश्यारींची भेटही घेतली.

या प्रकरणी भाजप आमदार राम कदम यांनीही सत्ताधारी शिवसेनेवर जोरदार टीकास्त्र सोडले आहे. ‘पंढरपूरमध्ये शिवसेनेच्या कार्यकर्त्यांचा पोलिसांसमोर कायदा हातात घेऊन नंगानाच? राज्यात सत्ता आहे याचा इतका दुरुपयोग. सैनिकाच्या घरात घुसून त्याला मारण्यापासून पंढरपूरच्या रस्त्यावर खुद्द पोलिसांसमोर कायदा हातात घेण्यापर्यंत शिवसेना कार्यकर्त्यांची मजल जाते’, अशा शब्दांत राम कदम यांनी संताप व्यक्त केला. तसेच महाविकास आघाडी सरकारने या हल्लेखोरांवर ताबडतोब कारवाई करावी अन्यथा महाराष्ट्राची जनता रस्त्यावर उतरून, असा इशाराही त्यांनी दिला आहे.

#पंढरपूर मध्ये #शिवसेनेच्या कार्यकर्त्यांच्या पोलिसांच्या समोर कायदा हातात घेऊन नंगानाच ? राज्यात सत्ता आहे याचा इतका दुरुपयोग . सैनिकाच्या घरात घुसून त्याला मारण्यापासून पंढरपूरच्या रस्त्यावर खुद्द #पोलिसांसमोर कायदा हातात घेण्यापर्यंत #शिवसेना कार्यकर्त्यांची मजल जाते pic.twitter.com/j8KIKetAZF

— Ram Kadam – राम कदम (@ramkadam) February 7, 2021