श्री काशी विश्वनाथ ज्योतिर्लिंग कॉरिडॉर आकारला, लवकरच उद्घाटन!

मुक्तपीठ टीम

भारतीयांमध्ये प्रत्येक व्यक्तीचे स्वप्न असते की, आपल्या जीवन काळात एकदा तरी, ज्योतिर्लिंगांचे दर्शन घडावे. काहीजण आपले पाप कमी करण्यासाठी या ठिकाणी भेट देतात. असो आप-आपल्या श्रद्धेने जो-तो या ठिकाणी येतो. आता बारा ज्योतिर्लिंगांपैकी एक असलेल्या श्री काशी विश्वनाथ कॉरिडोअरचे काम होत आले आहे. या संकल्पनेनंतर आता बनारसचे खासदार आणि पंतप्रधान नरेंद्र मोदी यांच्या हस्ते १३ डिसेंबर २०२१ रोजी लोकांसमोर या प्रकल्पाचे अनावरण होणार आहे. पंतप्रधान नरेंद्र मोदी यांचा ड्रीम प्रोजेक्ट मानल्या जाणार्‍या कॉरिडोअर प्रकल्पाच्या शुभारंभानंतर, ते देशातील सर्वोच्च धार्मिक स्थळांमध्ये समाविष्ट केले जाईल. जे खूप दिव्य आणि भव्य असणार आहे.

या मेगा प्रोजेक्टच्या शुभारंभामुळे, अरुंद गल्ल्या, बनारस शहरातीलकाशी विश्वनाथ मंदिर, अतिशय भव्य आणि मुबलक जागेत असेल ज्यामुळे श्रद्धाळूंना सहज दर्शनही मिळेल. आतापर्यंत सुमारे ९० टक्के काम पूर्ण झाले असून, काशी विश्वनाथ मंदिराचे केवळ फिनिशिंगचे काम बाकी आहे.

श्री काशी विश्वनाथ धाम कॉरिडॉर असणार तरी कसा?

काशी विश्वनाथ मंदिरातील कॉरिडोअरवरील पूर्वेकडील दरवाजा मुख्य संकुल आणि मंदिराच्या चौकात आहे जेथे काशी विश्वनाथ दरबाराची भव्यता दर्शविणारा एक मुख्य दरवाजा दिसतो.
संपूर्ण प्रकल्पात ४०० कोटींचे बांधकाम झाले आहे.
त्याचवेळी तेवढीच जमीनही खरेदी करण्यात आली असून, इतर बाबींवर १४ कोटी रुपये खर्च करण्यात आले आहेत.
५२७७३० चौरस फुटांमध्ये बांधलेल्या कॉरिडोअरचे वैशिष्ट्य म्हणजे अरुंद रस्त्यांनी वेढलेल्या काशी विश्वनाथ मंदिरात पुरेशी जागा उपलब्ध करून देणे.
काशी विश्वनाथ मंदिर चौक हा असा परिसर आहे जिथे प्राचीन चौकाची संकल्पना आकाराला आली आहे.

संकुलात असणार सारं काही!

हा परिसर एम्पोरियम, गॅलरी आणि संग्रहालयांनी समृद्ध असेल आणि काशी विश्वनाथ मंदिर परिसराचा हा सध्याचा भाग काशी विश्वनाथ मंदिरातील भूतकाळातील आणि व्यावसायिक क्रियाकलापांचे मुख्य ठिकाण असेल.
काशी विश्वनाथ मंदिरातील उत्तरेकडील दरवाजाने देखील पूर्व आणि पश्चिमेसारखे भव्य स्वरूप प्राप्त केले आहे.
येथे कोरीव दगड बसविण्यात आले असून बाबांच्या दरबारात कांगूर व घुंगरूंनी नक्षीकाम केलेले दगड काशी विश्वनाथ मंदिरातील प्राचीन वैभव देतात.
इतर दरवाजांप्रमाणेच दक्षिणेकडील दरवाजा देखील भव्यतेने एक अनोखा देखावा देत आहे.
इथेही नक्षीकाम केलेले दगड काशी विश्वनाथ मंदिराच्या वैभवात भर घालताना दिसतात.

काशी विश्वेश्वर संकुलाच्या मध्यभागी सोनेरी कळस!

कॉरिडोअर कॉम्प्लेक्सच्या मध्यभागी काशी विश्वनाथ मंदिराचे गर्भगृह सोन्याचा मुलामा असलेल्या शिखरांसह दिसते.
दगडांचे संवर्धन आणि मुख्य गर्भगृहाची दुरुस्ती, रंगकाम आणि स्वच्छता इत्यादी कामे सुरू आहेत.
काशी विश्वनाथ मंदिरामध्ये जड वाहने आणि बुलडोझरसह जेसीबीपर्यंत जाण्यासाठी पुरेशी जागा आहे.
अशा स्थितीत काशी विश्वनाथ मंदिरात पुरेशी जागा भविष्यातही भव्य मिरवणुकीसाठी अधिक भाविकांसाठी सोयीची ठरणार आहे.

काशी विश्वेश्वर आता गंगेच्या सान्निध्यात…

काशी विश्वनाथ धाम आता थेट गंगेच्या कुशीत उघडते.
येथून भाविकांना थेट दर्शन घेऊन गंगा पूजन करता येणार आहे.
काशी विश्वनाथ मंदिर थेट गंगेच्या प्रवाहाशी जोडलेला आहे.
अतिरिक्त पाण्यामुळे कामावर काही प्रमाणात परिणाम होत असला तरी घाटावरही बांधकामे प्रस्तावित आहेत.
काशी विश्वनाथ मंदिर प्रांगणात इतकी जागा आहे की हजारो भक्त थेट प्रांगणात रांग लावून गर्भगृहात जाण्यासाठी वाट पाहत उभे राहू शकतील.
अशा स्थितीत संकुलाच्या उंचावरून काशी विश्वनाथ मंदिराची भव्यता पाहिली तर मंदिराची आधुनिक शैली स्पष्ट करण्यासाठी पुरेशी जागा सर्वत्र दिसून येईल.