मुक्तपीठ टीम
केस म्हटलं की प्रत्येकाला काळजी ही ठरलेलीच. त्यात ते गळत असतील तर मग काय विचारायलाच नको त्या ताणानंच आणखीच गळू लागतात. पण आपल्या ठाण्याची आकांक्षा यादवचे केस मात्र तिच्या उंचीपेक्षाही जास्त लांब विक्रमी आहेत. त्यामुळे आकांक्षा यादवचे नाव लिम्का बुक ऑफ रेकॉर्डच्या ३० व्या आवृत्तीत सर्वात लांब केस असलेली भारतीय महिला म्हणून दाखल झाले आहे.
View this post on Instagram
लांब केस असणे हे प्रत्येक स्त्रीचे स्वप्न असते. परंतु केसांची काळजी घेणे खूप कठीण आहे. आजच्या ह्या काळात खुप कमी स्त्रीया लांब केस ठेवतात. पण भारताच्या आकांक्षा यादवने हे केले आहे. आपल्या लांब केसांमुळे वेगळी ओळख निर्माण करणारी आकांक्षा मूळची आपल्या ठाण्यातील आहे. तिच्या केसांची लांबी ९ फूट १०.५ इंच आहे. या कामगिरीमुळे आकांक्षा यादवचे नाव लिम्का बुक ऑफ वर्ल्ड रेकॉर्ड २०२०-२०२२ मध्ये ३० व्या आवृत्तीत समाविष्ट झाले आहे. तिने आपल्या लांब केसांचे रहस्य कधीही कोणाला सांगितले नाही. ती तिच्या लांब सुंदर केसांचे व्हिडिओ आणि फोटो सोशल मीडियावर शेअर करते. इन्स्टाग्रामवर तीचे १२,००० हून अधिक फॉलोअर्स आहेत.
View this post on Instagram
आकांक्षाने स्पष्ट केले की लांब केसांमुळे राष्ट्रीय विक्रम करणे ही मोठी गोष्ट आहे. यामुळे उत्सुकता वाढली आहे. चीनच्या झी क्यूपिंगने गिनीज बुक ऑफ वर्ल्ड रेकॉर्डमध्ये सर्वात लांब केसांसाठी २००४ मध्ये हा विक्रम आपल्या नावावर केला. तीच्या केसांची लांबी १८ फूट ५ इंच आहे.
Subscribe
