बलात्काराचा बदला घेण्यासाठी आरोपीच्या अल्पवयीन बहिणीवर बलात्कार?

मुक्तपीठ टीम

मध्य प्रदेशातील रेवा जिल्ह्यात एका अल्पवयीन मुलीवर सामूहिक बलात्काराचे प्रकरण समोर आले आहे. १६ वर्षांच्या अल्पवयीन मुलीवर बलात्कार केल्याचा आरोप दोन सख्ख्या भावांवर करण्यात आला आहे. तक्रार दाखल केल्यानंतर पोलीस फरार आरोपींचा शोध घेत आहेत. आता पिडित असलेल्या मुलीच्या भावाने सध्या फरार असणाऱ्या दोन आरोपींच्या बहिणीवर बलात्कार केल्याचाही आरोप आहे. त्यामुळे बलात्काराचा बदला घेण्यासाठी बलात्काराची अमानुषता की आधी बलात्काराचा भावावर आरोप झाल्यामुळे आता सूडबुद्धीने आरोप, याचा उलगडा करण्यासाठी पोलीस प्रयत्न करत आहेत.

बलात्काराचा बदला बलात्काराच्या अमानुषतेने?

• हे प्रकरण रीवा जिल्ह्यातील गड पोलीस स्टेशन परिसरातील आहे.
• ज्या दोन सख्ख्या भावांवर आता अल्पवयीन मुलीवर बलात्कार केल्याचा आरोप आहे, त्यांच्या बहिणीवर ६ महिन्यापूर्वी बलात्कार झाला होता.
• आताच्या पीडित अल्पवयीन मुलीच्या भावांवर हा आरोप करण्यात आला आहे.
• पोलीस सध्या या प्रकरणाचा तपास करत आहेत.
• पीडित बहिणीवरील अत्याचाराचा बदला घेण्यासाठी पीडितेच्या भावांनी त्या प्रकरणातील आरोपीच्या १६ वर्षीय बहिणीला लक्ष्य केले, असा आरोप आहे.

फरार आरोपींचा शोध सुरू

• अल्पवयीन मुलीने रविवारी रात्री पोलिसांत तक्रार दाखल केली.
• मुलीने तक्रारीत म्हटले आहे की, सकाळी ९ च्या सुमारास तिचे आई -वडील मजुरीसाठी गेले होते.
• ती घरात एकटी होती. दरम्यान, ते दोन्ही आरोपी भाऊ घरात आले.
• त्यांनी तिच्यावर बलात्कार केला आणि फरार झाले.
• अल्पवयीन मुलीचे पालक संध्याकाळी घरी परतल्यावर मुलीने त्यांना याबाबत माहिती दिली. पोलीस आरोपींचा शोध घेत आहेत.

आरोपींविरुद्ध POCSO सह इतर कलमांमध्ये गुन्हा दाखल

• मुलीची वैद्यकीय तपासणी केल्यानंतर पोलिसांनी सामूहिक बलात्काराचा गुन्हा दाखल केला.
• आरोपी तरुणांवर पॉक्सो कायद्यासह इतर कलमांखाली गुन्हे दाखल करून कारवाई केली जात आहे.
• एएसपी शिवकुमार वर्मा म्हणाले की, संपूर्ण प्रकरणाची चौकशी केली जात आहे.
• तपासात समोर आलेल्या तथ्यांच्या आधारे पुढील कारवाई केली जाईल.