मुक्तपीठ टीम
बॉलिवूडच्या स्टार्समध्येच नाही तर त्यांच्या जीवनसाथींमध्येही वजन कमी करण्याचा लेटेस्ट ट्रेंड दिसत आहे. या स्टार्सचा वजन कमी करण्याचा प्रवास नेहमीच चाहत्यांना प्रभावित करतो. लोकांना यातूनही प्रेरणा मिळते. तसं करण्यात त्यांनाही रस वाटतो. कोरिओग्राफर-डायरेक्टर रेमो डिसूझा यांनी त्यांच्या पत्नी लिझेल डिसूझाचा असाच एक फोटो शेअर केला आहे. तिनं वजन घटवून केलेल्या कायाकल्पाचा एक फोटो पोस्ट केला आहे. ज्यामुळे सर्वच चकित झाले आहेत. तिच्यावर रेमोसह इतरही स्टार्सकडून कौतुकाचा वर्षाव होत आहे.
रेमोने पत्नी लिझेलचे दोन फोटो पोस्ट केले आहेत. पहिल्या चित्रात तिचे वजन वाढलेले दिसत आहे, तर दुसऱ्या चित्रात तिचे जबरदस्त ट्रान्सफॉर्मेशन झालेले दिसत आहे.
कशाप्रकारे घडवला हा बदल?
- रेमोच्या पत्नीचा सध्याचा लुक थक्क करणारा आहे.
- डान्स डायरेक्टर रेमोने पत्नीचे कौतुक केले आणि सांगितले की तिने खूप मेहनत घेतली आहे.
- तिने स्वतःला लढा देत ही कामगिरी बजावली आहे.
- रेमोने कॅप्शनमध्ये लिहिले आहे की, ‘इथे पोहोचण्यासाठी खूप मेहनत घ्यावी लागते, पण सर्वात मोठी लढाई स्वतःशी आहे.
- मी लिझेलला हे युद्ध लढताना आणि अशक्य गोष्टी शक्य करताना पाहिले आहे.’
रेमोने इंस्टावर लिहित आपल्या पत्नीचे कौतुक केले आहे. त्याने लिहिले आहे की, “मी नेहमी म्हणायचो की तुमच्या मनात हे आहे आणि यासाठी तुला मजबूत व्हावे लागेल. लिझेल तू ते करून दाखवले आहे. मला तुझा अभिमान आहे. तू माझ्यापेक्षा मदबूत आहेस, तू माझी प्रेरणा आहेस.” तसेच, लिझेलची तिच्या वजन कमी करण्याच्या प्रवासाबद्दल खूप कौतुक आणि प्रशंसा मिळत आहे.
अनेक सेलिब्रिटिंकडूनही कौतुकाचा वर्षाव
- अभिनेता वरुण धवनने लिहिले, ‘वाह लिझेल’
- जयभानुशाली लिहितो, ‘वाह जबरदस्त लिझेल.’
- यासोबतच साकिब सलीम, शमा सिकंदर, आमिर अली आणि टेरेंससह इतरांनी लिझेलचे कौतुक केले.
- रेमो सध्या ‘डान्स प्लस 6’ या रिअॅलिटी शोमध्ये जज म्हणून दिसत आहे. लिझेलला रेमोच्या शोच्या सेटवर अनेक वेळा पाहिले गेले आहे.
Subscribe
